Asosiy mavzular
29 may 2019

Umrada qo‘shiqchi Abdulla Qurbonov mahalliychilik qildi va hamkasbini haqoratladi

Toshkentlik qo‘shiqchi Abdulla Qurbonovning Umra safari paytida xorazmlik qo‘shiqchi Jahongir Otajonov sha'niga yog‘dirgan haqoratlari aks etgan audio 27 may kuni tarmoqda tarqaldi.

Video: https://youtu.be/zQExuVi8N3A

«Kim edi mambi ashulachi. Qachondan beri odam bo‘p qoldi bu hayvon. Oldin qanaqqib qur'onni o‘qishlikni o‘rganivossin, keyin gaplashaman bu bola bilan…», deya boshlaydi qo‘shiqchi o‘z janjalini.

Abdulla Qurbonov «Shukur aka», «Zokir shayx», «Botir», «Aziz» ismli telegram yuzerlaridan o‘z gaplarini yetkazishni so‘raydi.

«Toshkent yoqmayatgan bo‘lsa, borib Xorazmingda yasha, Xorazmda yasha, o‘sha Xorazmda. Ha, Toshkentni puli sani qutirtirivoribdi-ku, Jahon!» deya mahalliychilikka o‘tadi toshkentlik qo‘shiqchi.

Qo‘shiqchining keyingi gaplari «Ramazonning hurmati», «Uje Ka'bada buni gapirishvotgani» haqida ketadi.

«Qachon bu xalqni oldiga chiqib, «Rahmat silaga, sila mani shunchalik san'atimmi, bitta eshshakka o‘xshagan ovozimmi eshitib, manga shuncha pul bervossila, rahmat silaga», deganini eshitdinglami, yo Ramazonda efirga chiqib bir og‘iz chiroyli suhbat qiganini?»

Taqvodorlikka chaqiriqlaridan so‘ng Abdulla Qurbonov tag‘in hamkasbi sha'niga haqorat yog‘dirishda davom etadi.

«To‘yga birinchidan kastim-shimda boriladi. Bu chyortga o‘xshab, jallab, to‘g‘risini aytaman, ko‘ngliga kelmasin hech kimni-yu, buni to‘yxonaga kiyib borgan kiyimini boru, itimga kiygizmayman, itimga!»

Qurbonovning haqoratli gaplariga izohlardan ma'lum bo‘lishicha, uning g‘azabga minishiga qo‘shiqchi Jahongir Otajonovning televizorda namoyish etilgan jonli ijro tanlovini ko‘rib, gapirgan fikrlari sabab bo‘lgan.

«Iltimos, jivoy ashula aytmanglar! Aytganman-ku sizlarga men eplolmaysizlar deb. O‘qish kerak buning uchun oldin. Xafa bo‘lmanglar, endi mayli», deya kulgan edi «Xurshidnikida iftorda» o‘tirganini bildirgan Jahongir Otajonov.

Joriy yilning iyun oyida «O‘zbekontsert» rahbari Odiljon Abduqahhorov xonanda Abdulla Qurbonovning ijtimoiy tarmoqlarda tarqalgan, «Million» jamoasini haqorat qiluvchi intervyusi uchun unga ogohlantirish berilganini aytgan edi.

Ijtimoiy tarmoqda tarqalgan videoda Qurbonov tomoshalarida unga taqlid qiladigan «Million» jamoasini «Million basharalar» deb atagan edi.

Eltuz.com

Tag‘in o‘qing
12 yanvar 2017
Kun.uz sayti garchi mayda-chuyda bo‘lsa-da, muammolarni ko‘tarib chiqishda davom etmoqda. Bu muammolarning yechimlari va sabablari chuqur ochib berilmayotganiga qaramay, ...
2 mart 2018
Taniqli o‘zbek shoiri, siyosiy dissident, «Erk» demokratik partiyasi lideri 69 yoshli Muhammad Solih 1 mart kuni O‘zbekiston hokimiyat tizimlaridagi ...
24 noyabr 2017
Istanbul shahrida yashayotgan O‘zbekiston vatandoshi 27 yoshli Ma'bud Nosirov xotini 25 yoshli Zarifa Shokirovani pichoqlab o‘ldirdi. Foto: hurriyet.com o‘ngdan ...
26 noyabr 2018
«Eltuz» nashri o‘z surishtiruv guruhi tomonidan yig‘ilgan ma'lumotlar asosida tayyorlangan filmning ikkinchi qismini e'tiboringizga taqdim qiladi. Filmning dastlabki qismida ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...