Asosiy mavzular
8 aprel 2020

O‘zbekistonga kirishi rasman taqiqlangan o‘zbek olimi Britaniyada olamdan o‘tdi

17 yildan buyon Britaniyada istiqomat qilayotgan qishloq xo‘jaligi fanlari doktori¸ professor¸ agrokimyogar, tuproqshunos olim Ahmadjon Xorazmiy (Ahmad Hasanov) 5 aprel kuni 72 yoshida Stokport shahrida olamdan o‘tdi.

O‘zbekiston vatandoshi bo‘lgan Ahmad hoji Xorazmiyning o‘z vataniga qisqa muddatga kirishiga o‘zbek mulozimlari tarafidan tushunarsiz taqiq qo‘yilgan.

Ahmad hoji Xorazmiy 2018 yilda Shavkat Mirziyoev nomiga maktub yozib, uni qo‘llab-quvvatlashini izhor qilgan holda O‘zbekistonga safar qilib, yaqinlari bilan ko‘rishib qaytishga imkon berilishini so‘ragan edi.

Tuproqshunos olim o‘z maktubiga Mirziyoevni maqtab gapirgan radiosuhbat matnini ham ilova qilgan.

Ahmad hoji Xorazmiyning bosh vazir virtual qabulxonasidan olgan javob xatida “Sizga O‘zbekiston Vazirlar Mahkamasining 1996 yil 21 noyabrdagi 408-qarorining 19-moddasi asosida, ya'ni “milliy xavfsizlik yoki jamoat tartibini muhofaza qilishni ta'minlash manfaatlari yo‘lida” O‘zbekiston Republikasiga kelishingiz rad qilinadi», deb yozilgan.

Bundan oldin ayni mazmundagi rad javobi yozilgan maktub olimning Xorazm viloyatida istiqomat qiladigan o‘g‘li Oybekka viloyat ichki ishlar boshqarmasi boshlig‘i o‘rinbosari Sa'dullaev imzosi bilan kelgan edi.

Xorazm viloyat ichki ishlar boshqarmasi matbuot xizmati xodimining «Eltuz»ga aytishicha, O‘zbekiston vatandoshi Ahmad hoji Xorazmiy MXXdan berilgan ro‘yxatga asosan O‘zbekistonga kiritilmasligi haqida yaqinlariga maktub yuborilgan.

2005 yilda Toshkent shahri hokimligi binosi oldida ishdan bo‘shatilganidan norozi bo‘lib piketlar o‘tkazgani ortidan tazyiqqa uchragan Xorazmiy o‘sha yili Britaniyadan siyosiy boshpana olgan edi.

Qishloq xo‘jaligi fanlari doktori, O‘zbekiston Fanlar akademiyasining sobiq a'zosi, professor Ahmad hoji Xorazmiy Xorazm viloyati hokimligi agrosanaot majmuasida va boshqa hukumat tizimlarida ishlagan.

Ahmad hoji Xorazmiy o‘z vaqtida taniqli hofiz Komiljon Otaniyozovdan tor chalish sirlarini o‘rgangan havaskor hofiz ham edi.

«Eltuz» tahririyati Ahmad hoji Xorazmiyning yaqinlariga ta'ziya izhor qiladi.

Eltuz.com

Tag‘in o‘qing
15 iyun 2022
30 yildan buyon Toshkentda ishlayotgan turkiyalik 56 yoshli tadbirkor Ug‘ur Aqin (Ugur Akin) “New Life Insurance” MChJdan ikki million ...
2 avgust 2021
Taniqli o‘zbek rassomi Rahim Ahmedov tirik bo‘lganida 100 yoshga kirgan bo‘lar edi. Rahim aka nafaqat ijodi balki turli qarashdagi ...
9 aprel 2018
Bu yil bahorga chiqib Toshkentda piyoz xor bo‘ldi. Ayrim mahallalarga, ko‘p qavatli uylar orasidagi ariqlarda qop-qop to‘kib tashlangan piyozni ...
3 fevral 2016
2 fevral kuni Jizzax viloyat jinoiy sudida davom etgan «Fermer Aramais ishi»ning maxkama jarayonida davom etdi. Prokuror Sh. Turdibekov, ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...