Asosiy mavzular
25 may 2020

«Yulduz Usmonova sindromi» yoki Islom Karimov nega norozi?

Gulnora Karimovaning qizi va o‘g‘li o‘zbek tadbirkorlarini «amneziya» (unutish kasalligi)ga chalinganlikda ayblashdi.

So‘nggi ikki haftada turli yillarda Gulnora Karimova bilan birga ish yuritgan bir qancha o‘zbek tadbirkorlari Islom Karimovning to‘ng‘ich qizi bilan o‘z aloqalari haqida yozishdi.

Hususan,  o‘zbek tadbirkori Jasur Abdurahmonov Kun.o‘zga bergan intervyusida 2008 yili Yunusobod tumani sudi tomonidan 3 yil shartli jazo olganidan so‘ng O‘zbekistondan chiqib, 2019 yilgacha chet elda yashashga majbur bo‘lgani haqida gapirdi. O‘z muammolari sababini u Gulnora Karimovaning unga uylanish taklifini rad etgani uchun uning g‘azabiga uchragani bilan izohladi.

«Korzinka» savdo tarmog‘i egasi  Zafar Hoshimov esa Gulnora Karimova bilan hech qachon uchrashmagani va biznesda hamkorlik qilmaganini iddao qildi.

Tadbirkor Jahongir Ahmedov Levis, Benetton, Quicksilver, Mango boshqa taniqli brendlarga oid savdo tarmog‘i, shuningdek, sog‘lomlashtirish markazlari egasi, 2008 yili Gulnora Karimovaga tegishli savdo majmualarini ijaraga olganini tasdiqladi. Ammo Gulnora Karimovaning o‘zi bilan shaxsan hech qachon tanish bo‘lmaganini aytdi.

Ushbu bayonotlarga javoban Karimovaning bolalari ijtimoiy tarmoqda o‘z murojaatlarini e'lon qilishdi. Bunda ular aftidan biznesmenlarning «Yulduz Usmonova sindromi» bilan kasallanishgani, ya'ni onalarining biznes hamkori bo‘lishganini unutishgani haqida yozishdi.

Londonda yashovchi Imon va Islom Karimovlar barcha intervyularning «buyurtma» ekani, onalariga qarshi axborot xurujini esa «DXX rahbar xodimi» Abdurauf Vahobov tashkillashtirayotganini iddao qilishdi

Karimovaning farzandlariga ko‘ra, «10-sinf ma'lumotiga ega tadbirkor» Abdurahmonov Jasurning DXX oldida hech bir «kurakka sig‘maydigan» muammolari bo‘lgan. Uni jinoiy uyushma tuzish va chegaradan noqonuniy o‘tishda ayblashgan va hibsga olishgan. Prokuratura unga 16 yil so‘ragan, biroq u Toshkent shahridagi o‘ziga qarashli 100 ta kvartirani berib jazodan qutulgan. Hibsga olinguniga qadar u Karimovaning marhamati bilan parlamentga deputat bo‘lib «saylangan» edi.

Karimovaning farzandlari «amneziya bilan kasallangan» yana bir biznesmen Zafar Hoshimovga u 25% ta'sis paketi aktsiyasini Davlat xavfsizlik xizmatidagi «hukmdor shaxslar»ga bergach, «Korzinka»ning Gulnora Karimovaga tegishli bo‘lgan 26% aktsiyasi «yo‘qotilgani» haqida eslatishdi.

Karimovaning farzandlari Zafar Hoshimovning xotini Madina Mo‘minova 10 yil mobaynida Karimovaga tegishli bo‘lgan  Bella Terra yaltiroq jurnali bosh muharriri bo‘lgani, «Korzinka» supermarketlar tarmog‘iga tegishli ilk do‘kon esa IIV binosi ro‘parasidagi Karimovaga tegishli bo‘lgan yerda qurilganini ham eslatishdi.

Shunday qilib, agar Karimovaning bolalari tasdig‘iga ishonilsa, har qanday hukumat iqtidori paytida biznes qilishga qodir Hoshimov Karimovadan musodara qilingan 25% foiz aktsiyani DXXning yuqori lavozimli xodimlariga bergan bo‘lib chiqyapti.

Imon va Islom Karimova bayonotidan kelib chiqadiki, ularning onalaridan olib qo‘yilgan boyliklar mamlakat byudjetiga qaytarilmagan, balki musodara qilingan va endilikda tag‘in yangi hukumat vakillari tomonidan o‘g‘irlangan.

«Buyurtma intervyularning asosiy savoli: «Agar sen bu boyliklardan xavotir olayotgan bo‘lsang, u holda ular sening onang qo‘liga qaysi yo‘l bilan kelib tushdi? Bunga shunday javob bergan bo‘lardik, bu «barcha boyliklar», garchi tortib olingan, biroq ular xalqqa yetib bormagan, va bizning yagona xavotirimiz, bular (Karimovadan musodara qilingan mulklar – tahr.) zararni qoplash uchun ko‘zlangan summa 1,2 mlrd dollarni tashkil etishi kerak», deya yozishdi Karimovaning bolalari 22 may kuni Instagram sahifasida onalari himoyasiga e'lon qilgan bayonotlarida.

2020 yilning 18 martida Toshkent shahri sudi o‘zining yopiq majlisida Gulnora Karimovani 13 yilu 4 oyga ozodlikdan mahrum qilish to‘g‘risida hukm chiqardi. Oliy sud axborot xizmati bildirishiga ko‘ra, sud Karimovani jinoiy uyushma tuzish, tovlamachilik, mablag‘larni o‘zlashtirish yo‘li bilan o‘g‘irlik, jinoyatdan olingan daromadlarni legallashtirish va boshqa jinoyatlarda  aybdor deb topgan. Ushbu jazoni o‘tash muddati 2015 yil 21 avgustdan boshlanishi belgilangan.

Eltuz.com

Tag‘in o‘qing
28 fevral 2023
Bundan bir yil oldin bosqinchi Rossiya mustaqil Ukraina tuproqlariga xoinlarcha bostirib kirib, yosh go‘daklar, xotin-qiz, qariyalar hamda jami vatansevar ...
1 iyun 2016
O‘zbekiston inson huquqlari jamiyatining Sirdaryo viloyati bo‘limi raisi bo‘lgan, Jasliq lagerida 10 yildan beri jazo muddatini o‘tayotgan A'zam Farmonovning ...
7 yanvar 2017
Hurriyat va boshqa turk gazetalarining yozishicha qotil “Abu Muhammad Xurosoniy” kod ismi bilan harakat qilgan o‘zbek millatiga mansub Abduqodir ...
19 avgust 2015
Urganch ko‘li fojiasi haqidagi xabarni o‘qib o‘tirib, unga qoldirilgan g‘alati izohni ko‘rib qoldim: “8-oy, 8-kun 8-kanal! 888-satanik raqam”. Boshqa ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...