Asosiy mavzular
22 iyun 2018

Bahodir Fayz: Turkiya Erdo‘g‘ondan qutulishi kerak

Turkiyada 24 iyun kuni prezident saylovi o‘tadi. Unda prezidentlikka iqtidordagi Erdo‘g‘ondan tashqari Jumhuriyat xalq partiyasi (JXP)dan Muharram Inja va «Yaxshi partiya»dan Marol Oqshanar nomzodi ilgari surilmoqda.

«Eltuz»ga intervyu bergan sotsiolog Bahodir Fayz bu yilgi saylovning mamlakat tarixida burilish yasashi mumkin bo‘lgan muhim jarayon ekanini aytadi.

«Oldingi saylovlarda kim g‘olib kelishini taxmin qilish mumkin edi. Erdo‘g‘onning tarafdorlari ko‘p edi, muxolifat kuchsiz edi. Lekin bu safargi saylov eng qiyin va oldindan taxmin qilinishi ham qiyin», deydi bugungi kunda AQShda yashayotgan, Turkiya siyosatini ichdan biluvchi Bahodir Fayz.

Agar Erdo‘g‘on yakshanba kungi saylovda 50 foizdan ko‘p ovoz olsa, bosqichni yutgan bo‘ladi, aksincha uning iqtidorda qolishi qiyinlashadi. Chunki Turkiyada demokratik kayfiyatdagi partiyalar populist Erdo‘g‘onga qarshi birlasha boshlagan.

«Shu bois, Erdo‘g‘on saylovni birinchi bosqichda yutishga astoydil intiladi. Chunki bu uning uchun ham, qolgan ikki nomzodni qo‘llayotgan partiyalar uchun ham tom ma'noda hayot-mamot kurashidir», deydi Bahodir Fayz.

Agar Erdo‘g‘on g‘alaba qozonadigan bo‘lsa, 2017 yilning 16 aprelida o‘tgan referendumda konstitutsiyaga kiritilgan o‘zgartishlar kuchga kiradi va Erdo‘g‘onning vakolatlari kengaytiriladi.

So‘nggi yillarda Turkiyada Erdo‘g‘on diktaturasiga qarshi chiquvchilar nisbatan ko‘paymoqda, biroq ijtimoiy tarmoqdagi o‘zbek segmentida uni qo‘llovchilar ko‘proq.

«Buning sabablaridan biri – o‘zbek zehniyatidagi diniy fenomenning yuqoriligi. Ikkinchi bir sababi – Erdo‘g‘ondagi populizm. Turkiyadagi ozodlik, erkinlik muhim emas bizning o‘zbekistonliklar uchun. Ularga demokratik liniyadagi liderlardan ko‘ra iymonli bir diktatorni tanlash ko‘proq ma'qul keladi», deydi Bahodir Fayz.

Eltuz.com

Tag‘in o‘qing
2 mart 2018
Taniqli o‘zbek shoiri, siyosiy dissident, «Erk» demokratik partiyasi lideri 69 yoshli Muhammad Solih 1 mart kuni O‘zbekiston hokimiyat tizimlaridagi ...
24 oktyabr 2023
O‘zbekiston teleradiokompaniyasi TV katta muharriri Muhiddin Sulaymonov Gitler fashizmi tarafdori ekanligini yozib chiqdi. U o‘zining ijtimoiy tarmoqdagi sahifasida Gitler ...
1 fevral 2023
O‘zbekiston neft va gaz sohasidagi vaziyatni ichdan biluvchi ikki manbaning Eltuzga bergan ma'lumotdan anglashilishicha, “O‘zbekneftgaz” AJ va unga qarashli ...
21 yanvar 2020
Turkiyada yashayotgan atoqli adib va siyosatchi Muhammad Solih hayoti haqidagi “Begona” filmining oxirgi 14-qismi uning umr yo‘ldoshi, biolog olima, ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...