Catira
26 may 2016

ShHT sammiti. «Yo uy, yoki televizordan voz kechasan!»

Toshkent markazidagi Kosmonavtlar xiyobonida yashovchi SH Kuryazova kabel va yo‘ldosh antennalar simlari uzib tashlanganidan yozg‘irdi.

U Feysbukda o‘z hasratini shunday ifodaladi: «Bu kosmonavtlar prospektida yashovchilarning kasofatimi yo baxtsizligi!? Kabelщik va sputnik antennalari ustalarining ishi ko‘payganini aytmoqchiman, ishdan kelib, telekni yoqmoqchi bo‘ldim, signal yo‘q. Yaqindagina sel yomg‘irlaridan so‘ng usta chaqirtirgandim, endi esa, mana senga – ShHT o‘rtaga chiqdi! Antennayu likobchalar xalaqit berarkan, marazmga gap yo‘q, ogohlantirib o‘tirmay antennalarni kesib tashlashdi, simlarni ham olib uloqtirishdi (((.

Bu ayol unda ikki tanlov qolganini aytadi: yo kvartirani almashtirish yoki televizor ko‘rmaslik.
“Yaxshiyam Internet ishlayapti! Tag‘in xarajat ko‘paydi,» – ilova qiladi u.

ShHT sammiti arafasida simli va Yo‘ldosh TVdan bebahra qolgan ijtimoiy tarmoqning boshqa foydalanuvchilari ham o‘z e'tirozlarini bildira boshlashdi.

Potrebitel.Uz guruhidagi Olga Granova u yashagan Chilonzor dahasida ustalar kabel simlarini ikki soatda uzib ketganini ma'lum qilgan.

“Ikki soat ichida indamasdan simlarni uzishdi, biznikilar ularga hatto choy ham berishmadi,” deydi Olga Granova.

Boshqa bir net foydalanuvchisi – Irisha Grigorieva “birato‘la mamlakatni o‘zgartirgan ma'qul”, deya kinoya qiladi.

“Yaxshisi birato‘la mamlakatni o‘zgartirgan ma'qul (harholda men o‘zim uchun shunday xulosa qildim”.

“Irisha, mamlakat bilan birga do‘stlarni? qo‘shnilarni? quyoshni? vatanni hammi???” deb so‘raydi Ravshan degan yuzer undan.

Javoban Grigorieva boshqa mamlakatda ham do‘stlar topish mumkinligini aytadi:

«Hechqisi yo‘q, boshqa mamlakatda yangi do‘stlar topasan. Bizning esa ana barcha do‘stlarimiz ketib bo‘ldi. Quyoshni bo‘lsa, qaerdadir Panama yoki Malayziyadan ham topish mumkin. Qo‘shnilarmi… ularsiz ham yomon emas».

Potrebitel.Uz fikr qoldirgan Zahirxan Sharapov esa “tanlov huquqi agar bor bo‘lsa, bu – baxt,” deydi.

Hakimov Ravshan Grigorieva fikrlariga, ta'bir joiz, ritorik usulda javob qaytaradi. “Buning hammasini biz Vatan, deb ataymiz. Omadsiz kunda ham birga yig‘lash va ichish, kuladigan kunlarni kutib, hammasi shuning ichida… Agar muqaddas Jangga chaqirilsa. Sen Rusni tashla, – Jannatda yasha deyilsa. Menga Jannat kerak emas, Vatanimni bering deyman».

«Renegatlar («regeneratlar» demoqchi bo‘lsa kerak. Eltuz.) va kosmopitlarga aslo mening hurmatim yo‘q,» deya e'tiroz bildiradi Hakimov Ravshan:

Irisha Grigorieva Rusga qaytish niyatida emasligini ta'kidlaydi:

«Men «Rusga qaytmoqchi» emasman. Sovuqni ham pisand qilmayman, biroq ruhim rus madaniyatiga intiladi. Panama va Malayziyani shunchaki iliq mamlakatlarga misol keltirdim».

Feysbuk foydalanuvchilarining qizg‘in bahsi, ShHT mulozimlarining Toshkentga kelishi oldidan poytaxtning Nukus ko‘chasi Bobur ko‘chasidan boshlab Abdulla Qodiriy ko‘chasigacha bo‘lgan hududi, so‘ngra Mustaqillik ko‘chasigacha bo‘lgan hududdagi uylar fasadini penoplastdan yasalgan dekorativ bezaklar bilan qoplash harakatlari va hususan uy peshtoqlaridan Yo‘ldosh TV likobchlarini olib tashlanishi manzarasida kelib chiqdi.

Rassom Tuz
Eltuz.com

Tag‘in o‘qing
12 noyabr 2015
Pahlavon Sodiq Bi bi si 1999 yil kuzida Oliy Sudda Toshkent portlashlari yuzasidan sud majlislaridan biriga Murod Jo‘raevni qo‘llarida ...
10 sentyabr 2021
Mana, hafta aylanib yana siz bilan hamsuhbatman. Qizim senga aytaman, kelinim sen ham eshit, degan format bor. Men suhbatni ...
14 dekabr 2018
Dekabrning birinchi haftasida mamlakatning barcha hududlarida yakunlangan 2018 yilgi paxta yig‘im-terimi mamlakatda chuqur ildiz otgan majburiy mehnatni yo‘q qilishda ...
8 fevral 2021
O‘zbekiston birinchi prezidentining to‘ng‘ich qizi Gulnora Karimovani “O‘zbek malikasi” deb atashardi. U estrada xonandasi, moda va zargarlik buyumlari bo‘yicha ...
Bloglar
23 noyabr 2021
Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz ...
21 noyabr 2021
Siyosatchi bo‘lish¸ siyosatga kirish bugungi O‘zbekistonda boshni kundaga qo‘yish bilan barobar. Bu haqda Jahongirga yozuvdim ...
11 noyabr 2021
Xalqaro jurnalist «Agneshkaxon voqeasi» ko‘p savollarga javoblarni ochib berdi. Kelinglar, jonajon akkreditatsiyadan boshlaymiz. Aynan ularni ...