Catira
26 sentyabr 2016

Mirziyoev va moliyaviy piramida

23 sentyabr kuni prezident vazifasini vaqtincha ijro etuvchi Shavkat Mirziyoev tomonidan imzolangan qonun O‘zbekistonda eng yirik moliyaviy piramida qurgani iddao qilingan 38 yoshli tadbirkor chinozlik Ahmadboy Tursunboev hibsga olinganidan uch oydan ko‘proq vaqt o‘tib kuchga kirdi.

Yangi qonunga ko‘ra, bunday jinoyat qilganlar endilikda «eng kam ish haqining 100 dan 300 barobarigacha miqdoridagi jarima yoki 2 yilgacha axloq tuzatish ishlariga hukm etilishi yoki 3 yildan 5 yilgacha ozodlikdan mahrum etilishi» mumkin.

Agarda moliyaviy piramida takroran yoki xavfli jinoyatchi tomonidan kommunikatsiya tarmoqlari yordamida barpo etilgan bo‘lsa, 7 yildan 10 yilgacha ozodlikdan mahrum qilish bilan jazolanishi alohida ta'kidlangan.

Chinozlik tadbirkor Ahmadboy Tursunov yiliga kamida 100 foiz divident va'dasini berib odamlardan omonat olish bilan shug‘ullanib kelgan, uning uyi tintuv kilinganida, 7,9 million dollar va ichi oltin buyumlar bilan to‘la sumkalar musodara qilingan, o‘zbek matbuoti “Tursunboevga pul berganlar soni 40 mingdan oshiq» ekanini ta'kidlagan edi.

Biroq, O‘zbekistonda pul va hokimiyat biri biridan ajralmas tushunchadir, shuning uchun, qaysidir chinozlik mayda tadbirkor, hukumatning rag‘batisiz uzoq vaqt turishi mumkin emas. Shu ma'noda, Axmadboyning vakili, uning orqasida «beton kabi mustahkam shaxs» turganini bildirgandi.

«Bu shaxsning kimligi qachon ochiqlanishi noma'lum, ba'zan bu sirlarning egasi uni o‘zi bilan qabrga olib ketadi», – deydi keksa kleptokrat Karimov o‘limiga ishora qilib, navbatdagi karikaturani Eltuz.com nashriga jo‘natgan rassom Adolat.

Rassom Adolat

Eltuz.com

Tag‘in o‘qing
4 may 2016
Eltuz.com mahalliy qo‘shiqchi va san'atkorlarni turli chegaralardan chiqmaslikka da'vat qilib kelayotgan o‘zbek mulozimlari hajv etilgan rassom Tuzning yangi karikaturasini ...
14 dekabr 2015
Malohat Eshonqulova Eltuz.com Ular “Do‘stlik” tuman sog‘liqni saqlash tizimi tibbiyot xodimlari edi. Dam olish kuni bo‘lishiga qaramay ular, erta ...
11 mart 2019
O‘zbekiston matbuot va axborot agentligi bosh direktori o‘rinbosari, 4 farzandning onasi, 35 yashar Nargiza Saidovaning feysbuk yuzeri Hayot Baxtiyoro‘g‘li ...
2 sentyabr 2020
Professor Kristian Lasslett Sovet Ittifoqidan keyingi O‘zbekistonning birinchi prezidenti Islom Karimov 2016 yil sentyabr oyida vafot etgach, undan murakkab ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...