Namanganda telefonni qutqaraman deb, uch kishi xojatxonada o‘ldi

Mobil telefonini hojatxona chuquriga tushirib yuborgan namanganlik ayol yollagan ikki ishchi va ularni qutqarmoqchi bo‘lgan vrach halok bo‘ldi.

Samsung-Galaxi rusumidagi bu telefonni ayolga olib berish uchun, narvon bilan hojatxona chuquriga tushgan odamlar axlat gazi hididan hushidan ketishgan.

Keyin ayol doktor chaqirgan, biroq ularni qutqarmoqchi bo‘lgan shifokor ham chuqurga tushgach xushidan ketgan.

Ikki ishchi voqea joyida, vrach esa shifoxonada vafot etdi.

13 iyul kuni Namangan viloyatida yuz bergan bu voqea haqida Favqulodda vaziyatlar boshqarmasi (FVV) matbuot xizmatidan iqtibos keltirib ko‘plab saytlar xabar berdi.

Namangandagi FVV vakili, jumladan, axlat gazining juda zaharli ekani, oliy ma'lumotli vrach chuqurga tushish o‘rniga shu zahoti tegishli idoralarga xabar berishi kerakligini aytgan.

Bu haqda ilk xabarni «Sputnik» nashriga bergan Dilshoda Rahmatova: «Uch kishining bir matoh tufayli nobud bo‘lganini eng ahmoqona o‘limlar ro‘yxatiga kiritish mumkin» deydi.

«Bu odamlarning sichqonchalik fahmi yo‘q!» deydi manzarani achchiq sarkazm bilan aks ettirgan rassom Tuz.

Rassom Tuz
Eltuz.com