Catira
5 yanvar 2018

Prezident aytgani bilan MXX o‘z bilganini qiladi

Horijdagi o‘zbek migrantlari va faollari prezident chaqiriqlaridan ruhlanib, vatanga qaytishni o‘ylashmoqda, O‘zbekistondagi real vaziyat esa boshqacha.

“Chet ellardagi vatandoshlarimiz bilan aloqalarni kengaytirishga yanada katta e'tibor qaratamiz.” dedi jumladan Shavkat Mirziyoev 31 dekabr kungi yangi yil tabrigida.

30 dekabr kuni esa huquq himoyachisi Surat Ikromov prezidentga, muxolifat lideri Muhammad Solihni vatanga qaytarishni so‘rab murojaat qildi.

Voqealar rivoji esa, muxolifat lideri Muhammad Solih shaxsiga hukumatning munosabati o‘zgarishsiz qolayotgani, uning izdoshlariga bosimlar ortayotganini ko‘rsatmoqda.

29 dekabr kuni Usmon Haqnazarov nomi ostida O‘HX saytida faoliyat olib borganlikda ayblanayotgan jurnalist Bobomurod Abdullaev tergovi himoyachi advokatlarsiz yakunlandi.

4 yanvar kuni e'lon qilgan videomurojaatida Abdullaevning onasi Gavhar Madaminova sentyabr oyidan buyon MXX xodimlari uning yoniga advokat kiritilishiga to‘sqinlik qilib kelishgani haqida gapiradi.

Madaminovaning so‘zlariga ko‘ra, mahkum jurnalistni himoya qilmoqchi bo‘lgan taniqli advokat Sergey Mayorovni ham MXX xodimlari shu tahlit mahkum jurnalist himoyasidan chetlatishgan.

27 sentyabr kuni, jurnalist hibsga olingan kuni, Prezident so‘zlaridan ruhlanib, Toshkentga qaytgan yozuvchi Nurilla Otaxonov ham aeroportda ushlangan va u 159-modda, konstitutsion tuzumga tajovuz qilishda ayblangandi.

“Mamlakatimiz taraqqiyotiga hissa qo‘shish istagida bo‘lgan barcha chet eldagi yurtdoshlarimizni O‘zbekistonga taklif etaman, dedi davlatimiz rahbari. Men ularni qo‘llab-quvvatlashga va har tomonlama rag‘batlantirishga tayyorman” degan edi. O‘zbekiston Prezidenti Shavkat Mirziyoev o‘tgan yilning 20 sentyabr kuni Nyu-Yorkda Amerika Qo‘shma Shtatlarida istiqomat qilayotgan bir guruh vatandoshlar bilan uchrashganida» deya eslaydi bu gaplarni yozuvchi.

Kitobi sabab hibsga olingan Nurilla Otaxonov jamoatchilik bosimi natijasida uyiga qo‘yib yuborildi, biroq tergov xaligacha yopilgani yo‘q. Prezident Chiqishlari atrofidagi eyforiya esa davom etmoqda.

Rassom Tuz
Eltuz.com

Tag‘in o‘qing
3 yanvar 2020
Karimov davrida, to‘g‘rirog‘i 1997 yili O‘zbekistonda boshlangan prezident tomonidan yillarni nomlash an'anasi 2020 yilga kelib unutildi. Shavkat Mirziyoev hukumat ...
17 yanvar 2018
O‘tgan yili turli darajadagi hokimlarning zo‘ravonligi, so‘kong‘ichlari, qo‘l ostidagilarga bo‘lgan qo‘pol muomalasiga oid xabarlar, ijtimoiy tarmoqlardagi bu haqdagi fikr-mulohazalar ...
10 sentyabr 2024
Voronejda harbiy ombor portladi, Ryazanda saylov komissiyasi a'zosi xojatxona teshigiga tushib ketdi, Irkutskda toza suvga bag‘ishlangan festivalda kanalizatsiya yorilib sassiq oqava ...
28 avgust 2017
Shoir Yusuf Rasul 1971 yil Tojikistonning Panjikent tumanida tug‘ilgan. 1993 yilda ToshDuning jurnalistika fakultetini tamomlagan. O‘zbek vaqtli matbuotidab Bi-Bi-Si, ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...