«Prezident qarori uchun yuzta otamiz!»

Prezident Mirziyoevning 28 fevralda chiqargan «vinochilikni rivojlantirish» haqidagi qarori ortidan respublika nashrlari birin-ketin bu mavzuni tashviq qila boshlashdi.

«Xalq so‘zi» 1 mart kuni «O‘zbekistonda sharob reklamasiga qo‘yilgan cheklovlar qayta ko‘rib chiqiladi» sarlavhali maqola chop etdi.

Karimov davrida, 2010 yili butunlay taqiqlangan «sharob reklamasi» yuzasidan takliflar endilikda Mirziyoev qarori bilan Vazirlar Mahkamasiga kiritiladigan bo‘ldi.

O‘zA axborot agentligi va yana ko‘plab nashrlar esa 2018 yildan O‘zbekistonda vino festivali o‘tkazilishi haqida xabarlar berdi.

Xabarlarga ko‘ra, bu yildan boshlab har yili O‘zbekistonda vino festivali va xalqaro degustatsiya tanlovi o‘tkaziladigan bo‘ldi.

«O‘zbekiston ovozi» va «Norma.o‘z» nashrlari ham prezidentning «Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari to‘g‘risida»gi qaroriga sharhlar e'lon qilishdi.

Bu nashrlar boshlab bergan poygaga rassom Tuz ham qo‘shildi.

U prezident qarori bosilgan gazetalardan zavq olib, vino ichayotgan o‘zbek rasmini chizdi.

Rassom Tuz
Eltuz.com