Prezident saylovi arafasida «Ozodlik»ka qarshi vovullash kuchaydi

O‘zbekiston prezidenti saylovi arafasida mustaqil jurnalistlar va blogerlarga bosimlar kuchaydi. Xususan, 16 oktyabr kuni “Ozodlik”ning telegram kanaliga jurnalistlarga o‘lim bilan tahdid qiluvchi izohlar yog‘dirilgan, mualliflarning deyarli barchasi yopiq akkauntdan foydalangani qayd etilgan.

Internetdagi xurujlar saylovda siyosiy raqobat yo‘qligi, muxolifatning turli bahonalar bilan saylovga qo‘yilmagani, Shavkat Mirziyoevning davlat resurslaridan foydalangan holda ikkinchi marta prezidentlikda qolishi oldindan aniq ekani aytilgani ortidan ortmoqda.

Markazi Parijda joylashgan “Chegara bilmas muxbirlar” o‘z so‘nggi hisobotida O‘zbekistonda saylov yilida matbuot va ijtimoiy tarmoqlar ustidan nazorat kuchaytirilganidan xavotir bildirdi.

Rassom Kirpi
Eltuz.com