Catira
23 avgust 2018

Bepushtlarga «dam solish» yoki oddiy seks

Internetda yosh ayol bilan jinsiy aloqa ustida tasviri olingan  xorazmlik 61 yoshli A.O. ismli shaxs videosi tarqaldi.

Voqeadan xabardor shaxsning «Eltuz»ga bildirishicha, video MXX xodimlari tomonidan 2017 yili olingan.

Unda «axloq posbonlari»ning ayol bilan yotgan erkak ustiga qo‘qqisdan bostirib kirib, so‘roqqa tutishlari aks etgan.

Erkakning ayol bilan intim aloqasi o‘z yo‘liga, bu ularning shaxsiy huquqiga oid masala.

Voqeaning qiziq tomoni, «Eltuz» suhbatdoshiga ko‘ra, bu erkak tug‘mas ayollarga dam solish, «ota-bobolari»dan qolgan kitoblari yordamida «ginekologik muolaja» bilan shug‘ullanib kelgan.

«Men xotinimga emas, o‘zimga dam soldirgani bordim. Shundan so‘ng o‘g‘il ko‘rdim», deydi uzoq vaqt farzand ko‘rmagan ota.

Uning «Eltuz»ga aytishicha, erkak davo istab kelgan ayollarning ich kiyimlarini dam solish uchun olib qolar ekan.

«Torda bu ishtonlar osig‘liq turarkan. Mulla ayolga «Ishtonni tushir!» derkan, agar ayolning jahli chiqsa, erkak torda turgan ishtonga ishora qilganini aytib qutular ekan», deydi «Eltuz» suhbatdoshi.

Tug‘mas ayollarga «dam soluvchi» mutaxassislar

O‘zbekistonda imomlarning dinni pesh qilib, «kuf-suf» biznesini rivojlantirishayotgani birgina Xorazmda kuzatilayotgani yo‘q.

O‘zbekiston xalq tabobati akademiyasi raisi Muhammadjon Hamroevga ko‘ra, birgina Toshkent shahrida 800 nafardan ziyod firibgar folbin va soxta tabib bor.

2016 yili Shahrisabzda folbinlik bilan shug‘ullanib kelayotgan Sanaev Miraziz Ahad o‘g‘li va uning sheriklarini firibgarlikda ayblanib javobgarlikka tortilgan edi.

«Eltuz» nashriga ma'lum bo‘lishicha, Toshkentning Dendropark dahasidagi “mozorchi folbin” ginekologiya va ayollar bepushtligi bilan bog‘liq kasalliklarni ham “davolashi” bilan nom chiqargan.

O‘tgan yili esa Toshkentdagi Oltinxon to‘ra masjidi imomi va muazzini o‘rtasidagi mojarolar elga ovoza bo‘lgan edi.

Masjid qorovuliga ko‘ra, ayni masjid imomi Alimardon Ernazarov o‘z huzuriga najot istab kelgan bepusht ayollarga “dam solish” bahonasida tegajog‘liq qilgan.

2017 yilning boshida masjiddagi seks janjali ortidan Oltinxonto‘ra masjidi imom-xatibi Alimardon Ernazarov ishdan bo‘shatilgani haqida «Eltuz» yozgan edi.

Folbinlik, dam solish kabi «diniy xizmat» evaziga kun ko‘rish, professional tibbiyot tanazzuli fonida gurkirab rivojlanmoqda, deydi «Eltuz» muxbiri bilan suhbatlashgan farg‘onalik vrach.

Unga ko‘ra, ba'zan kasbiy malakasi yetarli bo‘lmagan doktorlarning o‘zlari bemorlarni azayimxonlarga yo‘llashmoqda.

«Eltuz» uchun rasmlar chizayotgan rassom Tuz o‘zbek matbuotidagi shu kemtikni to‘ldirib, dam solish bahonasida ayollarga tegajog‘lik qilayotgan azayimxonni tasvirlagan edi.

Rassom Tuz
Eltuz.com

Tag‘in o‘qing
19 oktyabr 2021
Jinoyat ishlari bo‘yicha Qashqadaryo viloyati sudida 18 oktyabr kuni Mirishkor tumani Chandir qishlog‘ida sodir bo‘lgan qotillik jinoyati yuzasidan sud ...
3 avgust 2021
Camarqandning Urgut tumani G‘o‘s qishlog‘ida 21 iyul kuni boshlangan norozilik g‘alayoni 4 kun davom etdi, avtomatlar bilan qurollangan kuchishlatar ...
23 may 2018
O‘zbekistonda 2017 yilgi paxta yig‘im-terimi mavsumida bolalar mehnatidan foydalanish juda sezilarli darajada kamayganiga qaramay, majburiy mehnatdan foydalanish ko‘lami kengligicha ...
6 iyul 2016
O‘tgan hafta AQSh Davlat departamentinning trafiking bo‘yicha yangi hisobotida yangi reytingida O‘zbekiston paxtachilikdagi majburiy mehnat bois eng past darajaga ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...