Asosiy mavzular
4 oktyabr 2020

25 yoshli o‘zbek ayol osma ko‘prikdan yiqilib o‘ldi

Joriy yilning 2 oktyabrida Turkiyada o‘zbekistonlik 25 yoshli Shahnoza Yo‘ldosheva ikkita qoyani birlashtirgan simli osma ko‘prikdan (funikuler) yiqilib o‘ldi.

Turkiyaning Riza viloyati Boshko‘y qishlog‘ida choy barglari terish bilan shug‘ullangan va tergan choylarini tashiyotib 25 metr balandlikdan yiqilgan Shahnozaning ikki bolasi yetim qoldi.

Bu haqda «Eltuz»ga Shahnozani tanigan Turkiyadagi yaqinlari xabar berdi. Ammo Yo‘ldoshevaning O‘zbekistondagi yaqinlari bilan «Eltuz» bog‘lana olmadi.

Fojea qanday ro‘y berdi?

Turkiyaning choy yetishtiriladigan tog‘li Riza bo‘lgasida yo‘l yo‘qligi bois, odamlar sim arqonga osilgan va mahalliy aholi Teleferiğ deb ataydigan qo‘lbola ko‘prikdan foydalanishadi.

Ba'zan funikuler deb ham ataladigan bu qurilma simga osilgan belanchakni eslatadi. Mahalliy aholi bu osma ko‘prikdan yuk tashiydi.

Rizaning Guneysuv elchasi Boshko‘y qishlog‘ida choy terish kabi mashaqqatli mehnat bilan band bo‘lgan Shahnoza Yo‘ldosheva kun bo‘yi tergan choy barglarini qanorga solib, funiuler vagonchasiga yukladi.

O‘zi ham vagonchaga chiqdi. Osma ko‘prikdagi harakatga kelgan troslardan biri chiqib ketgani ortidan Shaxnoza 25 metr chuqurlikdagi jarga qulab, og‘ir jarohat oldi.

Qo‘shnilari bu ayolni kasalxonaga olib borishdi. Shahnoza Yo‘ldosheva shifoxonada jon berdi. Bundan oldin ham ayni qishloq turg‘unlaridan ba'zilari shu qo‘lbola osma ko‘prik belanchagidan tushib o‘lgan edi.

Shahnozalar, shahnozalar…

Turkiya ish izlab xorijga ketayotgan o‘zbekistonliklar uchun Rossiya va Qozog‘istondan keyingi yirik mehnat bozoriga aylangan.

O‘zbekiston pasporti bilan 90 kungacha vizasiz qolish mumkin bo‘lgan bu mamlakatda hozir qancha o‘zbekistonlik ishlayotgani haqida aniq ma'lumot yo‘q.

Taxminlarga ko‘ra¸ ular soni bir millionga yaqinlashgan.

Eltuz.com

Tag‘in o‘qing
25 fevral 2017
Ijtimoiy tarmoqda o‘zbek to‘yidagi kuyovning kelindan bo‘sa olish an'anasi yuzerlar nafratiga duch keldi. 22 fevral kuni Feysbuk tarmog‘iga qo‘yilgan ...
4 fevral 2021
1 fevral kuni Urganch shahri fuqarolik sudi kelinga bokira chiqmaganlik aybini qo‘yib, uni videoga olib, internetda sazoyi qilgan bir ...
11 yanvar 2017
Yangi yil oldidan rossiyalik milliarder, agar uni O‘zbekistonga chaqirishsa borishga tayyorligini aytdi. Uni O‘zbekistonda kim kutayotgani, kim chaqirishi qorong‘u. ...
21 aprel 2021
Shoir va siyosatchi Muhammad Solihning «Imperativ» kitobi «Eltuz» muxlislariga muallifning o‘zi o‘qigan audiokitob tarzida yaxshi tanish. Bugun «Eltuz» taniqli ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...