Catira
10 may 2020

«G‘alaba»ni sog‘indi kimlar?

O‘zbekiston prezidenti Shavkat Mirziyoev 9 may kuni Toshkentda Xitoydan taklif qilingan haykaltaroshlar tarafidan “neostalinizm” uslubida barpo etilgan G‘alaba bog‘ini ochdi va u yerdagi «Matonat madhiyasi» deb ataluvchi yodgorlik poyiga gul qo‘ydi.

Yangi bog‘ Toshkentning Olmazor tumanida 12 gektar maydonda prezident Mirziyoevning tashabbusi bilan 9 may kuniga qurib bitkazildi.

O‘zbekiston prezidentining “Kremlga oshiqligi” tarmoqdagi ba'zi vatanparvarlar e'tirozini uyg‘otdi.

Tarmoq faoli Muzaffar Ne'matov nazarida Mirziyoev kundan kunga O‘zbekistonni Rossiya orqa bog‘chasi qilishga shoshayotgani taassufli holat:

“Hukumat yetakchilari 2-jahon urushiga bag‘ishlangan postlarida bu kunni ozodlik uchun kurashdagi g‘alaba, deb talqin qilishibdi. Bu yerda bir muammo chiqib qolyapti. Agar biz fashizm changalidan ozodlikni saqlab qolish uchun kurashgan bo‘lsak, biz g‘alaba qozonib ozodligimizni saqlab qolibmiz. Unda biz 1991 yili qaysi davlatdan mustaqil bo‘lib chiqdik? Axir biz 1945 yili fashizm ustidan g‘alaba qozonib, ozodlikni saqlab qolgan ekanmiz-ku? Yana qaerdan keldi unda 91-yil mustaqilligi?»

O‘zbekistonlik yana bir faol Anvar Nazir bu holatni bunday sharhladi:

«Sovet tizimi va OZODLIK – bu bir-biriga zid tushunchalar! Agar Sh.Mirziyoev teskarisini o‘ylasa, unda unga, aynan unga, chunki shu urush mavzusini aynan shu prezident bizga sindirmoqda, savollarim bor:

Qanaqa ozodlik haqida gap? A.Qodiriyning, millatimizning eng ulug‘ buyuklarining boshini yeb, merosini o‘chirib tashlashga harakat qilgan stalincha tizim o‘zbek uchun ozodlik ramzimi?

Tilimizni ikkinchi darajali tilga aylantirgan tizimning biz uchun «ozodligi» nimadan iborat?

Ona tariximizni, ona adabiyotimizni tsenzura orqali faqatgina sovetga loyiq ko‘rinishda mumkin qilgan sovetning men, o‘zbek uchun qaysi tomoni ozodlik bilan bog‘liq?

Propiska, chetga chiqish taqiqlangan, so‘z erkinligi va vijdon erkinligi yo‘qligi, shaxsiy mulkning taqiqlanganligi, bitta partiyalik, kommunizmga hamma majbur bo‘lgan ishonish, ishonmasa jazolanardi, paxta majburiyati – shularning hammasi OZODLIKMI??

Gitlerda esa Markaziy Osiyoni bosib olish rejasi bo‘lmagan! Yaxshi inson bo‘lganligi uchun emas, unga Yevropa, Osiyoda esa Britaniya imperiyasiga tegishli Hindiston qiziq edi va bu fakt! Shunga bizni nemislar yo‘q qilishmoqchi edi, degan gaplar yolg‘on.

Va eng qizig‘i, biz hatto 1991 yili ozodlikkka erishmadik, chunki sovetdan qolgan propiska, tsenzura, bosimlar bugun ham bor. Shunga ozodlik biz uchun na 1945 yili kirib keldi, na 1991 yildan keyin. Afsus».

“Eltuz” uchun karikaturalar chizayotgan rassom Kirpi urush g‘olibini sog‘ingan o‘zbekning bu holatini o‘z hajviy suratida aks ettirdi.

Eltuz.com

Tag‘in o‘qing
18 oktyabr 2015
Shoxrux Aliboev, 2013 yilning 27 iyunida ota onasidan ajratilib bolalar uyiga topshirilgan edi. +video
16 fevral 2022
Inson Huquqlari Bo‘yicha Xalqaro Hamkorlik Tashkiloti (IPHR) Xotin-qizlarga nisbatan Kamsitishlarga Barham Berish bo‘yicha (CEDAW) Qo‘mitaning 2022 yil 15 va ...
22 oktyabr 2024
Rossiya harbiy floti qochmoqda, Ukrain arsloni rus boquvchisini g‘ajib tashladi, O‘zbekistonning Qozondagi bosh konsulxonasi o‘zbeklarni Rossiyaga urushida qatnashmaslikka chaqirdi, Markaziy Osiyo bundan ...
9 aprel 2020
Pandemiya tezda o‘tib ketadi, men hech narsa qilishim shart emas, deb xayol qilayotganlar bo‘lsa, quyidagi ma'lumotlar ularga tahlil uchun ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...