«Men Lolaman, Lolaman…»

O‘zbekistonning mahrum prezidenti Islom Karimovning kenja qizi Lola Tillaeva instagram sahifasida yangi kitobi chop etilgani haqida yozdi.

«Ushbu kitob mening ko‘p yillik ilmiy va ma'naviy izlanishlarimga asoslangan bo‘lib, inson salomatligi va uyg‘unligiga erishish uchun qanday amaliyotlarni qo‘llash mumkinligi haqidagi ma'lumotni o‘z ichiga oladi. Ko‘p insonlar uchun murakkab bo‘lgan ushbu davrda, umid qilamanki, nashrda keltirilgan ma'lumotlar siz uchun foydali bo‘ladi”, deya ta'kidladi Tillaeva.

O‘zbekistonning mahrum prezidenti Islom Karimovning kichik qizi Lola mamlakatda import tovarlarni noqonuniy yo‘llar bilan sotish orqali boyigani ma'lum.

2017 yilning oktyabrida TheBlacksea.eu mustaqil jurnalistik surishtiruvlar tashkiloti o‘z portalida Lola Karimova yaratgan korruptsion tizimga oid yirik surishtiruvini e'lon qilgan edi.

Birgina 2013-2014 yillarda Lola o‘z turmush o‘rtog‘i Timur Tillaev bilan birga 127 million dollar jamg‘argan hamda bu pullarni Birlashgan Arab Amirliklari va Shveytsariyadagi offshor banklardagi hisob raqamlariga yashirgan.

Rassom Kirpi
eltuz.com