Dars o‘rniga Ozodbekning qo‘shig‘i

O‘zbekiston maktablarida darsdan oldin madhiya kuylanib, tanaffusda maxsus radiokarnaylardan vatan mavzusidagi she'r va qo‘shiqlar eshittirila boshlandi.

Joriy qilingan bu qoidaga yozuvchi va sobiq mulozim Murod Muhammad Do‘st munosabat bildirdi:

“Yangi O‘zbekistonda o‘quvchilarning 9 oy davomida dars oldidan madhiya kuylashi rasm bo‘larkan. Albatta, bu – ming tasadduq aytishga arziydigan go‘zal tashabbus. Lekin, afsuski, ta'til payti negadir tashabbuskorlar e'tiboridan chetda qolibdi.

Ayni dolzarb masalani zudlik bilan hal qilishni mahalla vazirligiga yuklashni talab qilishimiz kerak. Ta'til yanada mazmunli o‘tishi uchun qo‘shimcha tadbir sifatida ommaviy madhiyabozlikka ota-onalaru boboyu buvilarni ham jalb qilish foydadan xoli bo‘lmaydi. Har tongni bezaydigan yangi qutlug‘ tadbirni har shomga ham ko‘chirish tajribasini biror viloyat yoki kattaroq shahar miqyosida sinab ko‘rish mumkin”.

«Eltuz»da nusxasi bo‘lgan hujjatda tanaffusda maxsus radiokarnaylardan Ozodbek Nazarbekovning yettita qo‘shig‘i navbatma-navbat kuylanishi borasida ko‘rsatma berilgan.

Eltuz.com