Catira
13 fevral 2022

Gemorroy urushi

Rossiya Ukrainaga bostirib kirdi deya faraz qilaylik. Innan keyinchi… innan keyin nima bo‘ladi? Shuni sovuqqonlik bilan bir tahlil qilib chiqsak:

AQSh Ukraina ichkarisiga birorta askarim qadamini ham bosmaydi, deb aytdi. Demak, Rossiyaga qarshi Ukriana armiyasi, xalqi va NATO qurol yaroqlari jang qiladi. Rossiya Ukrainaning yirik shaharlarini, istihborot xulosalariga ishonadigan bo‘lsak, uch kunda bosib oladi. Xo‘sh innan keyinchi? Ana innan keyin Rossiya uchun «gemmoroy urushi» boshlanadi.

Rossiya armiyasi 90 yilar boshi va oxirida ignaning teshigiday hududda Ichkeriya (Checheniston) ga qarshi jang qildi. Ikki yarim millionlik armiya bir yarim millionlik chechen xalqiga birinchi urushda mag‘lub bo‘ldi va tuyog‘ini shiqillatdi. Ikkinchi Rus-Chechen urushida Putin Ichkeriya hokimiyatini ag‘darib, o‘z vassali Ahmad Qodirovni olib keldi. Keyin Ahmadni o‘z qo‘li bilan yo‘q qilib, o‘g‘li Ramzanni qo‘ydi.

Lekin, Ramzan armiyasi o‘sha o‘sha ruslarni bir tiyinga olmaydigan, birinchi urushda g‘alaba qilgan jangarilar edi. Rossiya bu mintaqada tinchlikni saqlab turish uchun yiliga 4 milliard dollar dotatsiya beradi. Yetarki chechenlar isyon qilmasin. Ramzan esa hammaga ko‘ndalang qo‘ygan. Istagan ishini qilib yotibdi: Politkovskaya, Yamadaevlar, Estemirova, Nemtsov va yana ko‘plarni o‘ldirdi. Bitmas tuganmas boylik to‘pladi. Yaqinda sobiq bir sudyani kallasini olish bilan ochiqcha tahdid qildi. Agar shu gapni boshqa bir rahbar qilsa, allaqachon «Belыy lebed» yoki «Chyornыy delfin» da o‘tirgan bo‘lardi Ramzan. Lekin, Putin miq etmaydi, chunki miq etsa, uchinchi rus-chechen urushi boshlanishi mumkin.

Demak, amalda ikkinchi rus chechen urushida ham chechenlar g‘olib chiqishdi. Chechenlar bu g‘alabaga partizanlar urushi tufayli erishdilar. Shu ma'noda Ukrainani Rossiya qisqa fursatda bosib olishiga shubha yo‘q, lekin Chechenistondan o‘nlab marta katta mamlakatni idora qila olarmikan? Yo‘q, albatta. Ishg‘olchilarga qarshi partizanlar urushi boshlanadi. Shaharlarda, qishloqlarda, qir adir, o‘rmonlarda, tor ko‘chalarda… Uzundan uzoq va qonli urush. Va alaloqibat Rossiya mag‘lub bo‘ladi.

Yana bir narsa chechenlardan farqli ukrainlarga butun yevropa va g‘arb davlatlari hamyoni doimo ochiq bo‘ladi… Qurol yaroqning eng zamonaviysi sinaladi. Bir tomondan Rossiyaga askarlar tobutlari kela boshlaydi, ikkinchi tomondan esa g‘arb o‘z sanktsiyalari bilan Rossiya tinkasini quritadi. Ana unda ko‘ribsizki, Rossiyanig ura patriotizmidan ham hech narsa qolmaydi… Urush hech kimga hech qachon yaxshilik olib kelmagan, ammo bemor saratonga chalingan ekan uni kimyoviy yo‘l bilan davolashdan boshqa iloj yo‘q. @eltuz

Rassom Tuz sahifasidan

Tag‘in o‘qing
11 aprel 2020
10 aprel – Abdulla Qodiriy tavallud topgan kunda prezident tomonidan O‘zbekiston Respublikasining «O‘zbek tili bayrami kunini belgilash to‘g‘risida»gi qonuni ...
27 dekabr 2020
23 dekabr kuni Namangan viloyatining Norin tumani IIB tergov bo‘linmasi tomonidan norinlik ikki yigitga nisbatan “odam o‘limiga sabab bo‘lgan xavf ostida qoldirish” ...
9 fevral 2021
Bir odam oxirgi daraxtning ustiga chiqib, o‘zi o‘tirgan daraxtni arralayapti. Yo‘lda ketayotgan sayyoh unga qarab savol beradi: – Ilgari ...
22 dekabr 2016
«Hurriyat» gazetasida (21.12) bosma nashrlar haqida chop etilgan maqola sarlavhasini o‘qib, unda dolzarb masala ko‘tarilgan ekan, deb o‘ylashingiz mumkin. ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...