ART-DURBIN
7 noyabr 2023

7 noyabr – inqilobning unutilgan to‘yi

Inqilob bo‘lgan kun – 7 noyabr SSSRning eng asosiy bayrami edi.

Bugun O‘zbekistonda bu tantana mutlaqo unutilgan, ba'zi qari-qartanglargina arang eslaydigan sho‘ro bayrami.

Kalendarning qizilga bo‘yalgan kuni sifatida Sovet Ittifoqining boshqa bo‘lgalari 7 noyabr kuni dam olsa, O‘zbekistondagilar paraddan chiqib paxta terishga yo‘l oladigan kun edi.

Serxarajat bu bayram harbiy paradlar, sovet tizimi “mehnatkashlar”ining parad va namoyishlaridan tarkib topar edi.

Lenin haykali oldidan o‘tgan sobiq sovet fuqarolari “Yashasin sovet hukumati!” degan chaqiriqqa javoban “ura-a” deb baqiradigan kun edi.

7 noyabr bayrami millionlab pul, turli kasbu maslakdagi kishilarning zahmati va ko‘p kunlik repititsiyalardan iborat ma'raka edi.

Dabdabali va serchiqim paradlarga oshiq bo‘lish sovetlarga chor armiyasidan meros edi, desak yanglishmaymiz.

Graf Arakcheev davridagi harbiy shoular sovet paradlarining katta bobosi kabi tuyuladi.

Ko‘z-ko‘z qilish va mahobatning virtuoz cho‘qqisiga chiqarilgan bu xo‘jako‘rsin tadbir mehnatkashlarning ommaviy aroqxo‘rligi bilan tugaganini ko‘plar eslaydi.

Sovet davlati va shu kunlarda Rossiya armiyasi tashrif qog‘oziga aylantirilgan bu “bayram” bolshevizm sarqiti sifatida bugun ham yashamoqda.

Eltuz.com mushtariylariga 1966 yilda O‘zbekiston SSRning Buxoro shahrida 7 noyabr bayram qilinganiga oid tasvirlarni taqdim qilamiz.

Suratlar o‘sha kuni Buxoroni kezgan sayyoh N.Frensiz (N.Francis)ga oid.

Video: https://youtu.be/Y8zNU97sj-A

Akmal Rizaev,
o‘zbekistonlik muallif taxallusi
Eltuz.com

Tag‘in o‘qing
23 noyabr 2023
Yangi O‘zbekistonda jamiyat ikkiga bo‘lingan: Bir biri ustidan yozadiganlar va pul berib, birovning ustidan yozdiradiganlarga. Istisno o‘laroq, birovning ustidan yozadiganlar qamrov katta bo‘lsin deya «bloger yollab» o‘z yozmishini tarmoqqa chiqarishni ham istaydi. Ammo uning «murodi hosil bo‘lmasa» nayzasi o‘tmas blogerning ustidan ham yozishni boshlaydi.  Erinmay prokurordan ...
18 sentyabr 2018
O‘zbek interneti qahramoni, teleboshlovchi, siyosatshunos, siyosiy fanlar nomzodi va Jurnalistika universiteti rektori Sherzod Qudratxo‘jaev rus ayoliga qo‘pollik qilib, undan ...
22 mart 2019
Ushbu maqola «Eltuz» muxbirining bir-birini tanimaydigan qator toshkentlik tadbirkorlar bilan suhbatlari asosida tayyorlandi. Maqolada gap tadbirkorlarga ochiqcha tahdidlar qilib, ...
21 sentyabr 2016
Toshkent markazida turaman, balkondan oliy majlis ko‘rinadi, sal narida prokuratura. Ammo shuncha yildan beri dom oldidagi bir uyum chiqindi ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...