Video
19 may 2017

O‘zbek milliarderi rus blogeriga tupurdi

18 may kuni Navalniyga tupurganini bildirgan Alisher Usmonov videosi ijtimoiy tarmoqda tezgina ovoza bo‘ldi.

Siyosatchi va bloger Navalniyni sudga berish oldidan videojavob sifatida Yutubga qo‘yilgan murojaatda Usmonov uni kechirim so‘rashga undagan.

Bu o‘zbek milliarderining ilk videoblogi ekani aytilsada, uni Eltuz maqolasi chop qilinayotgan so‘nggi daqiqada 900 961 marta tomosha qildi va kanalga 6 mingdan ziyod yutub yuzeri obuna bo‘ldi.

«Sen nima, «ponyatie» degan narsalarni umuman bilmaysanmi…» deya yuzlanadi bir vaqtlar olti yil turmada o‘tirganini iddao qilgan Usmonov, rus barigalariga hos ohangda.

Aprel oyining boshida Aleksey Navalniy uning Rossiya bosh vaziri Medvedevga 5 milliard rubllik qasr sovg‘a qilgani haqidagi filmini taqdim qilgandi.

«Yolg‘on gapirayapsan, ikkimizdan birimiz jinoyatchi bo‘lsak – bu sensan!», deydi o‘z javobida Usmonov siyosatchini sensirab.

O‘zini oqlash uchun 12 minutlik videosida oldi-berdisi haqida gapirarkan, Usmonov buning uzun bir qissa bo‘lishini aytadi.

«Odamlarga nafaqat ish qilgani uchun, balki qilmagani uchun ham haq to‘lashadi… Eng muhimi men o‘z istaganimga erishdim, jumladan ajoyib qayiq va samalyotga ham», deydi u qanday qilib milliardlarga erishgani siri haqida.

Uni pora berishda ayblagan Navalniyni esa «hasadgo‘y», «yaramas», «omadsiz» va «jinoyatchi» deya ataydi.

O‘zining o‘g‘ri va jinoyatchiligini Navalniyga «o‘xshaganlar hayotda hech qachon isbot qila olmasligi»ni ta'kidlarkan:

«Sen filga qarab akillayotgan ko‘ppakka o‘xshaysan. Tupurdim senga, Aleksey Navalniy!», dedi rossiyalik milliarder o‘z videomurojaati so‘nggida Aleksey Navalniyga.

Eltuz.com

Tag‘in o‘qing
10 sentyabr 2016
O‘zbekistonda Islom Karimov o‘limidan so‘ng hokimiyatning Bosh vazir tomonidan qo‘pol tarzda uzurpatsiya qilinishi kuzatilmoqda. O‘z mushtumzo‘rligi bilan tanilgan Bosh ...
3 sentyabr 2020
Ramzan Qodirovning 22 yoshli qizi vazir o‘rinbosari bo‘lgani haqida deyarli barcha o‘zbek internet saytlari yozdi. Lekin bu xabarning o‘zbek ...
5 may 2020
2016 yil 29 dekabr kuni uchinchi otryad boshlig‘i oldimga kelib: – Sizga “muassasa ichki tartib qoidasini buzdi”, deb hujjat ...
26 may 2022
(Taniqli shoir va siyosatchi Muhammad Solihning “Imperativ” kitobidan 51-qism. Audiokitob matnini muallifning o‘zi o‘qigan) «O‘limni o‘ylash payti kelmadimi?» savol ...
Bloglar
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida ...
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...