Asosiy mavzular
24 noyabr 2017

Turkiyada yashagan o‘zbek yigiti xotinini o‘ldirib qochib ketdi (video)

Istanbul shahrida yashayotgan O‘zbekiston vatandoshi 27 yoshli Ma'bud Nosirov xotini 25 yoshli Zarifa Shokirovani pichoqlab o‘ldirdi. Foto: hurriyet.com o‘ngdan Ma'bud Nosirov, Zarifa Shokirova, Nodir Aslanov.

Bu juftlikni taniganlardan birining «Eltuz» muxbiriga aytishicha, Ma'bud Nosirov bundan 5 yil oldin Istanbulga xotini bilan kelib, fabrikada ishlay boshlagan.

Qo‘shnilarining bildirishicha, bu oila ko‘chib kelganidayoq kunora janjallashgan.

Ma'bud Nosirov bir-ikki marta xotinini kaltaklaganida qo‘shnilar kelib ajratgani ma'lum.

Eridan bezgan Zarifa Shokirova Istanbulda tanishgan do‘stining (erkak kishi bo‘lgan) uyiga borib yashay boshlaganini aytadi bu juftlikni tanigan o‘zbekistonlik.

«Ma'bud Nosirov xotinini uyga qaytarish uchun unga telefon qila boshladi, ammo Zarifa telefonlarga javob bermadi. Ma'budning Nodir Aslanov degan do‘sti bor. Tez-tez ularning uyiga borib-kelib turar edi. Ma'bud shu do‘stini ishga solib, bir tuzoq qurdi. Rejaga ko‘ra, go‘yoki Ma'budning Nodirdan qarzi bo‘lgan. Nodir Zarifaga telefon qilib: «Eringdan oladiganim pulni sen olib, kam ko‘stingga ishlat», degan. Bu gapga ishongan Zarifa eriga telefon qilib, pulni olish uchun vaqt belgilaydi», deydi suhbatdosh.

Qotillikka rashk sababmi?

Hikoyaning qolganini mahalliy turk matbuoti bayon etadi. «Hurriyat» gazetasida yozilishicha, Zarifa Shokirova Istanbulning Marmara dengizi sohilidagi ko‘rfazga o‘sha erkak do‘sti bilan kelib, eridan pul olmoqchi bo‘ladi. Pul berish o‘rniga eri uning badaniga to‘rt marta pichoq sanchadi. Chavaqlangan Zarifa voqea joyida o‘ladi.

Ma'bud Nosirov voqea joyidan qochadi. Jinoyatni tekshirgan turk politsiyasi Nosirovning o‘rtog‘i Nodir Aslanovni hibsga oladi.

Aslanov qotilning jinoiy sherigi sifatida ko‘rilmoqda.

Zarifa erining uyidan qochib ketganidan so‘ng birga yashagan erkak kim va uning keyingi taqdiri nima bo‘ldi, degan savolga javob yo‘q.

Turk politsiyasiga ko‘ra, o‘z xotinini o‘ldirgan Ma'bud Nosirov chet elga qochgan. Ayni paytda Nosirovning Rossiyada yoki O‘zbekistonda ekanligi taxmin qilinmoqda.

Nosirovga nisbatan xalqaro qidiruv e'lon qilingan.

Turk matbuotida O‘zbekiston vatandoshlarining fohishalik, diniy ekstremizm, terror va qotillik jinoyatlari figuranti bo‘layotgani tez-tez tilga olinadi.

Video: https://youtu.be/EoBUGyiGtM0

Eltuz.com

Tag‘in o‘qing
7 oktyabr 2023
Avgust oyida Qashqadaryo  viloyati  Koson  tumanidan  o‘tgan  katta  kanalning Guvalay  qismi tuproq bilan  yopib  quyilgan. Buning oqibatida 20 mingga ...
24 oktyabr 2016
O‘zbekistondagi siyosiy partiyalar 4 dekabr kuni bo‘lib o‘tadigan prezident sayloviga o‘z nomzodlarini ko‘rsatib bo‘ldi. Eng so‘nggida muvaqqat prezident va ...
16 noyabr 2020
Mayli, nonko‘rga chiqaring, mayli, dushmanga va mayli, provokatorga. Lekin men hozir shunchaki faktlarni konstatatsiya qilmoqchiman. Ushbu rasmga qarang. Kimdadir ...
22 iyun 2018
Avvallari Turkiya bizning Markaziy Osiyo davlatlari va turk olami uchun siyosiy, ijtimoiy va iqtisodiy model bo‘lishini orzu qilardik. Biz ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...