Rashid Qodirov jinoiy ishi ortidan 21 shaxs qamalgani ochiqlandi

Respublika prokuraturasida o‘tgan 5 iyun kungi brifingda sobiq bosh prokuror Rashid Qodirovga qo‘zg‘atilgan jinoyat ishi ortidan 21 shaxs hibsga olingani ochiqlandi.

Brifingda qatnashgan «Kun.uz» jurnalistining Rashid Qodirov tergoviga oid savoliga Uyushgan jinoyatchilik va korruptsiyaga qarshi kurashish boshqarmasi boshlig‘i o‘rinbosari Maqsud O‘rolov bunday javob berdi:

«Tergov jarayonida Qodirov Rashid Hamidovich tomonidan lavozimga tayinlash, shuningdek, rahnamolik qilish, pora olish bilan bog‘liq jinoyat holatlari aniqlangan. Jinoyat ishi bo‘yicha hozirda 24 nafar shaxsga ayblov e'lon qilingan, shulardan 21 nafar shaxsga nisbatan qamoqqa olish ehtiyot chorasi qo‘llangan.»

Sobiq bosh prokurorning hibsga olingani haqida «Eltuz» nashri 2018 yilning 22 fevralida xabar bergan edi. Avvaliga rad etilgan bu ma'lumotni keyinchalik 24 fevral kuni Bosh prokuratura rasman tasdiqlagan edi.

Eltuz.com