Asosiy mavzular
3 dekabr 2019

Shvetsiyadagi qurilishlarda ishlagan o‘zbeklar haqlarini olisholmayapti

Stokgolmning chekka hududida joylashgan temir to‘siq ortidagi ko‘rimsiz uyda Shvetsiyaga kelib qurilishlarda ishlayotgan 11 nafar mehnat migranti yashaydi. Ularning 6 nafari o‘zbek. Ular nolegal holatda polyak qurilish shirkatiga qarashli ob'ektlarda ishlashgan va pullarini olisha olmagan.

“Eltuz” shaxslarini ochiqlamaslik sharti bilan ayni qurilishlarda ishlagan o‘zbek mehnat migrantlaridan intervyu oldi.

Mehnat migranti: “Shvetsiyaga taxminan 2 oy bo‘ldi kelganimga. Ish beruvchi menga “Hujjatlarimni qilib beraman, hammasi yaxshi bo‘ladi”, deb va'dalar berib, bitta menmas, yana besh-oltita bola bor, ularga ham shunaqa deb yolg‘on va'dalar berib, bir oydan ortiq ishlatib, hozirda pulimizni ololmayapmiz”.

Shvetsiyada yashayotgan o‘zbekistonlik faol Do‘stnazar Xudoynazarov nolegal o‘zbek quruvchilariga va'da qilingan maoshlarning ham aslida odatdagidan ancha kamligiga e'tibor qaratadi.

Do‘stnazar Xudoynazarov: “Mana shu ob'ektda bir soatlik ish haqi qonuniy 270 krondan yopiladi, soliqlar olib tashlanganda 210, 190 krondan bir kishiga to‘lanishi kerak. Sizlarga hatto to‘rtdan bir qisminiyam taklif qilishmayapti”.

“Eltuz” muxbiri o‘zbek muhojirlari taxminan bir yarim oy ishlagan Stokgolmning turli hududlaridagi uchta qurilish ob'ektida, bitta 2 qavatli, bitta bir qavatli turar joy bino va restoranga mo‘ljallangan qurilish maydonlarini borib ko‘rdi.

Barcha qurilish ob'ektlari rasman Polshada qayd etilgan va Shvetsiyada faoliyat yuritayotgan “Ardes” qurilish shirkatiga qarashlidir.

“Eltuz” muxbiri joriy yilning noyabr oxirlarida aslida “Ardes” shirkatining Shvetsiyadagi ish beruvchisi Rafael Darius bilan ham bog‘lanishga bir necha bor urindi.

Uning odamlaridan biri o‘zbeklarning ish haqi muammosi hal qilinayotgani, lekin hozircha Rafael “Eltuz”ga intervyu bera olmasligini bildirdi.

Biroq 3 dekabr kuniga kelib ham “Ardes” raxbariyati bilan bog‘lanishning imkoni bo‘lmadi va haligacha o‘zbek muhojirlarining puli berilmagani ma'lum bo‘ldi.

Eltuz.com

Tag‘in o‘qing
3 avgust 2018
Tushlikdan so‘ng Boqijon mening shkonkamga kelib yonimga o‘tiradi va “sayr” paytida uzilgan suhbatini davom ettiradi… Farg‘onalik 38 yashar bu ...
19 oktyabr 2015
O‘zbekiston inson huquqlari jamiyatining faollari. Samarqandlik Norboy Xoljigitov va jizzaxlik rahmatli Baxtier Hamroev. Norboy Xoljigitov O‘zbekiston qamoqxonalarilaridan 2011 yili ...
4 aprel 2018
Bog‘chadagi bolalarni urgani videosi tarqalgan, Jizzax shahrining “Navro‘z” nomli 39-bog‘cha tarbiyachisi 37 yashar Mohira Mamatqulova ishdan bo‘shatildi. Uch nafar ...
15 oktyabr 2018
Jizzax viloyatining Do‘stlik va Arnasoy tumani bozorlari yopib qo‘yildi. Bozorlarning darvozalari faqat kechki 17:00da ochilmoqda. Bozor qorovullarining bildirishicha, “kattalar” ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...