Asosiy mavzular
1 iyun 2021

Kosonlik o‘qituvchilar majburiy yugurtirilmoqda

Qashqadaryolik o‘qituvchilar viloyat hokimi topshirig‘i bilan har kuni majburiy marafonda qatnashayotganidan shikoyat qilishmoqda. Koson tumani maktablaridan birida o‘qituvchilik qiluvchi ayol allaqachon maktablarda ta'til boshlanganiga qaramay, ularni yurgurishga majburlashayotgani haqida «Eltuz»ga xabar berdi.

“Koson tumani xalq ta'limi bo‘limi bir yarim oydan beri majburiy marafon o‘tkazyapti. 25 may so‘nggi qo‘ng‘iroq bo‘ldi. Biz endi qutuldik desak, hali ham marafon to‘xtamayapti”, deya yozdi kosonlik o‘qituvchi ayol telegram orqali «Eltuz»ga yo‘llagan murojaatida.

U birinchi iyun kuni bolalarini istirohat bog‘iga olib borib, salqin joylarda oilaviy dam olishni rejalagani, biroq ertalabdan maktab direktori, jismoniy tarbiya o‘qituvchilari qo‘ng‘iroq qilib, majburiy chaqirtirib oldirishganini aytadi.

“Agar sport tadbirida qatnashmaydigan bo‘lsam, ishdan bo‘shash haqida ariza yozishim kerak ekan”, deydi o‘qituvchi ayol.

Uning «Eltuz»ga aytishicha, marafon uchun o‘qituvchilar va bolalar yuz ming so‘mdan oq kepka va futbolka sotib olishga majbur. Ota-onalar ta'tildan keyin bu tadbirlarga bolalarini yubormay qo‘yishgani bois, endi faqat o‘qituvchilar oq futbolka kiyib chiqishmoqda.

O‘qituvchining so‘zlariga ko‘ra, Koson tumanida dastlab aprel oyining ikkinchi yarmida boshlangan sog‘lomlashtirish marafoni yakshanba kunidan tashqari har kuni davom etmoqda, o‘qituvchilar har xil masofaga yugurtirilmoqda.

«Eltuz» muammoni o‘rganish uchun Koson tumani xalq ta'limi bo‘limiga qo‘ng‘iroq qildi.

Koson XTB xodimasining «Eltuz»ga bildirishicha, o‘qituvchilarning muammosi birgina sport marafonida vaqt yo‘qotib, har kuni yugurishdangina iborat emas.

“Ularni, masalan, «Obod mahalla» dasturiga kirgan mahallalarni obodonlashtirish ishlariga ham muttasil majburiy jalb qilishadi. Lekin bu yil koronavirus pandemiyasi sharofati bilan tumandagi ikkita mahallaga hasharga chiqish tadbiri bekor qilindi”, dedi u.

Har kungi sport marafoniga izoh berarkan, XTB xodimasi bu tadbirning Qashqadaryo viloyati hokimi Zoyir Mirzaev buyrug‘iga ko‘ra, prezident Mirziyoev tashabbusi bilan o‘tgan yili boshlangan “5 ming qadam yurish» dasturi asosida o‘tkazilayotganini bildirdi.

Eltuz.com

Tag‘in o‘qing
15 yanvar 2016
Eltuz elektron pochtasiga kelib tushgan xabarga ko‘ra, bosh vazir Shavkat Mirziyoevning erkatoy kuyovlari Oybek va Otabeklar puli ko‘pligidan kerilishmoqda. ...
21 sentyabr 2022
O‘zbekistondagi ko‘plab fermer xo‘jaliklari klasterlar paxta va boshoqli don xarid qilish bo‘yicha fyuchers shartnomalar nusxasini haligacha o‘zlariga bermayotganidan norozilik ...
6 iyul 2017
Iyul oyining boshida O‘zbekiston prezidenti Shavkat Mirziyoevning «ona suti og‘zidan ketmagan» yoshlarni hukumatdagi yuqori lavozimlarga tayinlagani o‘zbek jamiyatida turli ...
23 oktyabr 2015
U paytlardagi katta krizis qarshisida hukumat ojiz edi. Migrantlarning kelib ishlashlari tugul, hatto mahalliy xalq ham ishsiz, pulsiz yurardi. ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...