Asosiy mavzular
2 avgust 2021

Xo‘jaylida Abdulla Aripov imzolagan qarorga qarshilar ko‘chaga chiqdi

Separatizm deya talqin qilingan virtual chiqishlari va o‘zbek lotin yozuvi joriy qilinishi bo‘yicha mavjud qonunlarga qarshiligi ortidan nazoratga olingan xo‘jaylilik 48 yoshli Sag‘indik Nurimbetov 16 iyul kuni Xo‘jayli IIB xodimlari uni ko‘chada ushlab ketib qiynoqqa solinganini iddao qildi.

Nurimbetovning «Eltuz»ga bildirishicha, uni Xo‘jayli IIBga olib borishgan. Bir xonaga olib kirishgan va IIBning besh nafar xodimi norozilik aktsiyasi uyushtirganlik aybini bo‘yniga qo‘yish uchun qiynashgan. Oyoqlariga rezina to‘qmoq bilan urishgan.

Nurimbetov iddaosiga ko‘ra, 17 iyul kuni uni Qoraqalpog‘iston ichki ishlar vaziri Aytboy Temirxonovning oldiga olib borishgan.

«Keldim. Kirdim. Aytboy Temirxonov Qoraqalpog‘iston ichki ishlar vaziri. Meni so‘kdi, “Nega tinch yurmaysan! Sheshengni…”, “onangni…”, deb.  “Senga problema kerakmi? Qizlaringni mashina qoqib ketadi, bolangning boshiga g‘isht tushib ketadi, shuni istaysanmi”, dedi. Men: “Yo‘q, og‘a, istamayman. Boshqa chiqmayman”, dedim. Keyin: “Bo‘ldi, yo‘q bo‘l!” deb ko‘kragimga mushti bilan bir urib stulga o‘tqazib qo‘ydi, Vazirning o‘zi. O‘tirib qoldim», dedi Nurimbetov.

Nurimbetov iddaosiga ko‘ra, uni DXX Terrorchilik va ekstremizmga qarshi kurash bo‘limi boshlig‘i Nikolay Boboniyozovning oldiga ham olib kirishgan:

“Boboniyozov menga nega mening senga aytgan gaplarimni chiqarib yubording, deb dag‘dag‘a qildi. «Bag‘dodni emas, seni myasorubkadan o‘tkazaman», dedi. Go‘yoki men DXXga chaqimchilik qilgan kabi ovozlarimni yozib oldi», deydi Nurimbetov.

Nurimbetovning so‘zlariga ko‘ra, terrorchilik va ekstremizmga qarshi kurash bo‘limi shu kuni undan tashqari aktsiyaning boshqa ishtirokchilariga bosim ko‘rsatishgan, jumladan, Qirg‘izistondan turib yutubdagi ayirmachilik ruhidagi chiqishlari bilan tanilgan Bag‘dod Ismoilov va Nozli ismli ayolni ham ushlashgan va qiynoqqa solishgan.

«Eltuz» bog‘langan Qoraqalpog‘iston IIV mas'ul xodimi Nurimbetov gaplari haqiqatdan uzoqligini ta'kidladi.

Lekin Nurimbetovning gaplaridan ma'lum bo‘lishicha, ularga biror rasmiy ayblov qo‘yilmagan. Qo‘lga olingan barcha aktsiya ishtirokchilari shu kuni yo ertasi qo‘yib yuborilgan. 

13 iyul kuni Xo‘jayli shahrida o‘nlab kishilar o‘zbek tilining davlat tili bo‘lishiga va lotin grafikasi joriy qilinishiga norozilik bildirib chiqishgan edi.

Nurimbetovning aytishicha, norozilik to‘polonlariga ishsizlik muammosi va O‘zbekiston bosh vaziri Abdulla Aripov 1 iyul kuni imzolagan davlat tiliga oid qaror sabab bo‘lgan. Qarorga ko‘ra, 1 avgustga qadar barcha joylar, ko‘chalar nomlari, terminlar, tashkilotlar, shuningdek hujjatlar va ish qog‘ozlari lotin grafikasiga asoslangan o‘zbek imlosiga ko‘chirilishi kerak.

Yutub tarmog‘ida 13 iyul kuni Qoraqalpog‘istonning Xo‘jayli shahrida shior ko‘targan, ularni tarqatishga kelgan rasmiylarni toshbo‘ron qilishga chog‘langan odamlar aks etgan video tarqaldi. Videoda bir ayol «Uring! Qoraqalpog‘istonda qoraqalpoq tili davlat tili bo‘lib qoladi!» deya xitob qiladi. (Suratda: (chapdan) Sag‘indik Nurimbetov va Bag‘dod Ismoilov).

O‘zbekiston konstitutsiyasi 72-moddasiga ko‘ra, O‘zbekiston Respublikasi qonunlari Qoraqalpog‘iston Respublikasi hududida ham majburiydir.

Eltuz.com

Tag‘in o‘qing
26 iyul 2016
Qamchiq dovonidagi tunnel bahona Oqsaroyga yo‘nalgan paxta oqimi yanada kuchaydi. Butun O‘zbekiston matbuoti bugun shu qurilishni amalga oshirganlarga emas, ...
15 dekabr 2016
G‘arb davlatlari boshlagan 850 million dollar korruptsiya ishining asosiy figurantlaridan biri sanalgan Abdulla Oripov 14 dekabr kuni Bosh vazir ...
21 iyun 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni prezident Mirziyoevning Andirjon 17-18 ...
30 iyun 2016
Turkiya Ichki ishlar vazirligi tarqatgan ma'lumotga ko‘ra, Terrorchilardan biri O‘zbekiston vatandoshi. Yana biri esa Rossiya Federatsiyasining Dog‘iston respublikasidan yana ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...