Muhammad Solih mustaqillik va soxta saylov haqida

O‘zbekiston mustaqilligining 30 yilligi arafasida «Eltuz» muxbiri «Erk» demokratik partiyasi lideri Muhammad Solih bilan suhbatlashdi.

Muhammad Solihning so‘zlariga ko‘ra, bu yilgi prezident saylovi ham har safargidek soxtadir, Mustaqillikning 30 yilligi esa o‘tgan 2020 yilning 20 may oyida nishonlanishi kerak edi. 

1990 yili ayni sanada respublika parlamenti Mustaqillik deklaratsiyasini e'lon qildi. Bu deklaratsiya matni parlamentga “Erk” demokratik partiyasi tomonidan taqdim etilgandi.  

«O‘zbekiston mustaqilligi biz e'lon qilgan deklaratsiyadan boshlanadi», dedi Muhammad Solih «Eltuz»ga bergan intervyusida.

1991 yilning dekabrida Muhammad Solih O‘zbekistondagi prezident saylovida Islom Karimovning yagona raqibi bo‘lgan. Rasmiy (soxtalashtirilgan) ma'lumotlarga 12,7 foiz, bunga qadar respublika radiosida berilgan e'longa ko‘ra 33 foiz ovoz olgan.

“Ozodlik” radiosiga bergan intervyusida taniqli publitsist va davlat arbobi Sharof Ubaydullaev “1991 yilgi saylovda Islom Karimov emas, balki Muhammad Solih yutib chiqqani”ni ochiqlagan edi. 

“Erk” demokratik partiyasi bu yilgi prezident saylovini boykot qilishga chaqirgan.

Eltuz.com