Asosiy mavzular
4 aprel 2022

Qozog‘istonda To‘qaevga qarshi suiqasd rejalagan shaxs qo‘lga olindi

Qozog‘iston rasmiylari mamlakat prezidenti To‘qaevga suiqasd uyushtirishni rejalashtirgan “xorijiy razvedka agenti” qo‘lga olinganini ma'lum qildilar. 

Lekin uning qaysi mamlakat agenti bo‘lgani aytilmagan.

“25 mart kuni Nur-Sultonda Qozog‘iston prezidenti va bir qator yuqori martabali davlat xizmatchilariga suiqasd uyushtirishni rejalashtirgan Qozog‘iston fuqarosi, xorijiy razvedka agenti qo‘lga olindi. Shu bilan birga, u maxsus va huquqni muhofaza qiluvchi organlar xodimlariga qarshi terrorchilik harakatlarini amalga oshirishni rejalashtirgan”,  — deyiladi Milliy xavfsizlik qo‘mitasi xabarida.

Shuningdek,  KNB ma'lumotlariga ko‘ra, agent go‘yoki «Qozog‘istonda Rossiyaga qarshi tashviqotni targ‘ib qilish bo‘yicha vazifalarni ishlab chiqqan».

Ko‘pchilik bu voqea Prezident ma'muriyati rahbarining birinchi o‘rinbosari Timur Sulaymonovning bayonoti ortidan yuz berganiga e'tibor qaratmoqda.

2 aprel kuni Sulaymonov Qozog‘iston Rossiyaga qarshi “sanksiyalarni chetlab o‘tish vositasi”ga aylanmaydi, deya bayonot bergan edi.

Sulaymonov, Qozog‘iston sanksiyalar ostidagi shaxslar yoki tashkilotlar nomidagi har qanday sarmoyani nazorat qilish uchun barcha imkoniyatlarni ishga solishini bildirgan edi.

“Biz sanksiyalarga rioya qilamiz. Garchi biz Rossiya, Belarus va boshqa davlatlar bilan iqtisodiy ittifoqning bir qismi bo‘lsak-da, xalqaro hamjamiyatning bir qismimiz. Shu bois, biz istagan oxirgi narsa – Qozog‘istonga nisbatan AQSh va Yevropa Ittifoqining ikkinchi darajali sanksiyalari qo‘llanilishi”, — degan edi Suleymenov.

Bundan avval 24 mart kuni Rossiyalik deputat Sergey Savostyanov Boltiqbo‘yi, Moldova, Polsha va Qozog‘istonda ham harbiy amaliyotlar o‘tkazishni taklif qilgan edi.

Deputat Savostyanov o‘z nutqida bitta Ukraina bilan cheklanib qolmaslik, demilitarizatsiya va denatsifikatsiyani boshqa qo‘shni davlatlar chegarasiga qadar kengaytirish haqida ochiqchasiga gapirgan edi.

Lekin real haqiqat urushda Rossiyaning allaqachon mag‘lubiyatga uchraganini ko‘rsatmoqda. Aprel oyi boshlariga kelib rus armiyasi Kiev ostonasidagi shaharlarni bir bir boy berib chekina boshladi.

Rus askarlarining tinch aholiga nisbatan harbiy jinoyatlari va yovuzliklari butun dunyoda qoralanmoqda. Biroq Rossiyaning Markaziy Osiyodagi vassallari hamon bu faktlarni ko‘rishni istashmayotir. Ular boshqa bir dushmanni, qorong‘u xonadagi qora mushukni izlashmoqda.

Tag‘in o‘qing
16 yanvar 2023
Hali rasman tasdiqlanmagan xabarga ko‘ra 15 yanvardan 16 yanvarga o‘tar kechasi ishdan olingan sobiq hokim Jahongir Ortiqxo‘jaev 16 yanvar ...
24 yanvar 2019
Nemis siyosatchilari va matbuoti Germaniyaga kelib ketgan O‘zbekiston prezidenti Shavkat Mirziyoevni “islohotchi” sifatida e'tirof qilishdi. Germaniyadagi Süddeutsche Zeitung gazetasining ...
5 noyabr 2018
Xalqaro Olimpiya qo‘mitasi noroziligiga qaramay, 3 noyabr kungi majlisida AIBA – Xalqaro havaskor bokschilar uyushmasi 66 yashar G‘afur Rahimovni ...
4 may 2020
Yigirma bir yilni qamoqda o‘tkazgan buxorolik 43 yashar Jamshid Vosiev bugun, 4 may kuni ozod etildi. Bu haqda uning ...
Bloglar
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida ...
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...