Prokuratura kimlarni qamaganini Eltuz aniqladi

Transport prokuraturasi Toshkent xalqaro aeroporti yaqinida qurilayotgan yo‘l o‘tkazgichning 5 ta to‘sini qulab tushgani holati yuzasidan tergov ishi ochib, 3 nafar mansabdor shaxsni gumonlanuvchi sifatida qamoqqa oldi.

Transport prokuraturasi Toshkent xalqaro aeroporti yaqinida qurilayotgan yo‘l o‘tkazgichning 5 ta to‘sini qulab tushgani holati yuzasidan tergov ishi ochib, 3 nafar mansabdor shaxsni gumonlanuvchi sifatida qamoqqa oldi.
Toshkent prokuraturasi mulozimlar shaxsini e'lon qilgani yo‘q, biroq Eltuz ularni aniqlashga muvaffaq bo‘ldi.
Hukumatdagi manbalarning Eltuzga ma'lum qilishlaricha, quyidagi shaxslar qamoqqa olingan: “O‘zbekiston Temir Yo‘llari” AJ bosh menejeri – bosh muhandisi Z. E. Maxamatov; “O‘zbekiston Temir Yo‘llari” AJ “Ko‘prikqurilish tresti” UK, 67-Ko‘prikqurilish otryadi ish yurituvchisi E. Yu. Muhitdinov; O‘zbekiston Temir Yo‘llari” AJ “Ko‘prikqurilish tresti” UK, 67-Ko‘prikqurilish otryadi boshlig‘i R.K. Axmedov.
Prokuraturaga ko‘ra, yo‘l o‘tkazgich qurilishidan 2 mlrd 760 mln. so‘mlik zarar ko‘rgan.
Hozirda jinoyat ishi yuzasidan dastlabki tergov harakatlari olib borilmoqda.
Bundan oldinroq ijtimoiy tarmoqlarda Toshkentda aeroport yaqinida qurilayotgan yo‘l o‘tkazgichning beshta to‘sini bir vaqtning o‘zida qulab tushgani aks etgan videolar tarqalgandi. “O‘zbekiston temir yo‘llari” bunga ehtiyotsizlik sabab bo‘lganini ma'lum qilgandi. Korruptsioner mulozimlar qamoqda.