Asosiy mavzular
30 sentyabr 2023

Generalning korruptsiyaga aloqadorligi haqidagi iddaolar

Eltuzga kelib tushgan anonim maktubda Ichki ishlar vazirligi Transportda xavfsizlikni ta'minlash departamentidagi korruptsiya va noto‘g‘ri boshqaruv haqida so‘z boradi.
Departament xodimlari tomonidan yozilgan maktubda departament rahbari, general Bahodir Mirzarahimovning qilmishlarini tekshirish talab qilingan. 
Xodimlar general Mirzarahimovni departamentda misli ko‘rilmagan korruptsiya, qarindosh-urug‘chilik va adolatsiz muhitini yaratganlikda ayblaganlar.
Ularning ta'kidlashicha,  general Mirzarahimovning rahbarligi davrida transport tizimida falokatlar va baxtsiz hodisalar soni ortgan va natijada yil boshidan buyon ko‘plab insonlar halok bo‘lgan. 
Ular ilgari surgan da'volarni tekshirish imkoni Eltuzda yo‘q.
Eltuz maktubda ilgari surilgan iddaolar yuzasidan Bahodir Mirzarahimovga minbar berishga tayyorligini bildiradi.  
“Assalomu aleykum Eltuz jamoasi,
biz IIV transportda xavfsizlik taminlash departamenti xodimlari siz orqali muhtaram prezidentimiz Shavkat Miromonovich Mirziyoevga, prezident maslahatchisi Qodirov Doniyor Baxtiyorovichga va sektor boshlig‘i Sergey Gordeevga bizni rahbar, general Mirzarahimov Bahodir Yuldashevich Mirzarahimov ustidan shikoyat arz kilmokchimiz.
Bahodir Yuldashevich Mirzarahimov shaxsiga to‘xtalsak. U Moskva oliy harbiy qo‘mondonlik institutida tahsil olib, avval Mudofaa vazirligi, so‘ng MXX “Lochin” harbiy qismiga rahbarlik qilgan.
Zamon zayli bilan 3 yil avval IIV tizimiga kelib qoldi.
Sohani bilmaydigan, tajribasiz rahbar boshqaruvi natijasida tizim parokandalikka uchradi, mislsiz korruptsiya, tanish-bilishchilik, majburiy mehnat, adolatsizlik, zulm va bosim domida qoldi.
Bunday vallomat va kibrga mukkasidan ketgan shaxs rahbarligi oqibatida temir yo‘llarda yil boshidan 30 yaqin go‘dak, erkak va ayollarni poezd urib ketdi.
Korruptsiyaga o‘zi bosh bo‘lishi natijasida vokzallarda “Afrosiyob” poezdlari bileti sun'iy defitsit qilindi. Oqibatida pora bermasdan bilet olish imkonsiz bo‘lib qoldi.
Aeroportlarda narkotrafik, tilla, qimmatbaho toshlar va telefon kontrabandasi cho‘qqisiga chiqdi.
Lekin, barcha holatlarda ko‘z yumiladi, sababi “dolya”ni Bahodir Mirzarahimovning shaxsan o‘zlari oladilar.
Kadr masalasida “klyuchevoy” lavozimlarni o‘zining ko‘z-quloqlari bo‘lgan harbiylar bilan to‘ldirish bilan ovora.
Kuniga uch mahal issiq ovqat, qora va qizil ikra, viski shotirlari va ularning xizmatidagi shotirlari tomonidan yetkazilib turiladi.
Vazirlik rahbarlarini va administratsiya xodimlarini bir tiyinga olmaydi, har ikki gapida «Men SNB generaliman» deb do‘q uradi.
Hurmatli rahbariyat, sizdan iltimos, Bahodir Mirzarahimov faoliyatini xolisona o‘rganib chiqib, uning bu sohada ishlash masalasini ko‘rib chiqsangiz.»

Tag‘in o‘qing
22 aprel 2016
«Pravda vostoka» gazetasi Toshkentda milliy innovatsiya tizimi masalasida bo‘lib o‘tgan ilmiy-amaliy anjumanda xorijlik mehmonlar ham ishtirok etganini bildirdi. Ana ...
18 sentyabr 2019
“Bizdan jiz-z!”ning bugungi sonida Shvetsiyada yashovchi o‘zbek faoli Do‘stnazar Xudoynazarov «Eltuz» muxlislari uchun butun qo‘y go‘shti boldiridan dimlama qanday ...
11 noyabr 2022
Rassom Tuz: Aziz og‘a ini, opa singil qadrdonlarim. Mana xafta aylanib siz bilan birgaman.Matchon Suqilish: Nichiksizlar, mo‘chchi oybika ham ...
22 may 2019
Malika Sobirova 1942 yilning 22 mayida o‘zbek naychisi Abdurahim Sobirov va osetiyalik shifokor Madina opa oilasida tug‘ilib, yoshligidan nafosatga ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...