Asosiy mavzular
3 dekabr 2023

DXX «Saydaz Medgorodok»ni «Krыshevat» qilgan IIB xodimlarini ushladi

Davlat Xavfsizlik Xizmati xodimlari Toshkent shahar IIV uyushgan jinoyatchilikka qarshi kurashish bo‘limi xodimlarini hibsga olganlar.

Eltuz insayderiga ko‘ra, 1 dekabr kuni DXX amaliyotida Toshkent shahar IIV uyushgan jinoyatchilikka qarshi kurashish bo‘limining boshlig‘i va uning  uch nafar xodimi ushlangan.

Taxminlarga ko‘ra, ichki ishlar xodimlari “Saydaz medgorodok” laqabli kriminal avtoritet Saidaziz Saidalievni “krыshevat” qilganlikda gumonlanmoqda. 

Toshkent IIBB axborot xizmatining ma'lum qilishicha, Toshkent shahar IIBB huzuridagi Tergov boshqarmasi tomonidan Jinoyat kodeksining 165-moddasi (tovlamachilik) bilan bilan qo‘zg‘atilgan jinoyat ishi tergov qilinmoqda.

Mazkur jinoyat ishi bo‘yicha o‘tkazilgan tergov-tezkor harakatlari doirasida bir qator jinoiy holatlar aniqlangan.

Jinoyat ishi doirasida gumon qilinuvchi Saidaziz Saidaliev va boshqa bir nechta shaxslarga nisbatan qamoqqa olish tarzidagi ehtiyot chorasi qo‘llangan.

Fevral oyida Eltuzga bir-biridan mustaqil manbalar xalq orasida “Salimboyvachcha” deb tanilgan Salim Abduvaliev sobiq bokschi Saidaziz Saidalievni Toshkent shahriga smotryashiy qilib qo‘yishga urinayotgani haqida xabar bergan edi.

O‘shanda Eltuz manbalariga ko‘ra, 73-yashar Salim Abduvaliev O‘zbekistondagi yagona “vor v zakone” Baxti Tashkenskiyga murojaat qilib, Saidaziz Saidalievning Toshkentga smotryashiy qilishga “dobro” berishni so‘ragan.

Biroq, Baxti Tashkentskiy jinoyat olamida yaxshi nomga ega bo‘lmagan Saidaziz Saidalievga bunday vazifani ishonib topshira olmasligini aytgan.

“Saydaz Medgorodok” besh yil muqaddam hozirda marhum MMA jangchisi Murod Xonto‘raevni pichoqlab jarohat yetkazganlar tashkilotchisi sifatida tanilgan.

2018 yil 26 noyabrda Toshkent savdo markazi yaqinida bir guruh shaxslar Murod Xonto‘raevga hujum qilib sonidan ikki marta pichoqlagan edilar.

Eltuz manbalari ikki sportchi o‘rtasida Toshkentda ta'sir kuchini kuchaytirish uchun qonli raqobat bo‘lganini aytishadi.

Mazkur hodisadan bir necha oy o‘tib bir qancha shaxslar javobgarlikka tortilgan esa-da, Saidaziz Saidaliev jazodan  qutulib qolgan edi.

Eltuz insayderlariga ko‘ra, “Saydaz medgorodok” Murod Xonto‘raevga hujumni Parijdan turib boshqargan.

Murod Xonto‘raev mazkur hujumdan omon qoldi, ammo oradan uch yil o‘tib avtoavariyada halok bo‘ldi.

Ushbu hodisa Saidaziz Saidaliev obro‘siga putur yetkazdi.

Oradan besh yil o‘tib loyqa suvlar tiniqlashmoqda – bu gal Saidaziz Saidalievning qamoqdan qutulib qolishi dargumon, deydi Eltuz manbalari.

Eltuz jinoyat olamiga aloqador shaxslarning qamoqqa olinishi bilan bog‘liq voqealarni yoritishda davom etadi. Kanalimizga obuna bo‘ling, videolarimizga layk bosing.

Tag‘in o‘qing
14 dekabr 2017
14 dekabr kuni taniqli fotorassom Umida Ahmedova o‘zining feysbuk sahifasida buzilayotgan Kinochilar uyi harobalarini suratga olishga borgani haqida yozdi: ...
6 avgust 2018
«Men Odilovga: – Ahmadjon aka, pulingizni oling, menga dietik ovqat shart emas. Zonaning oshxonasiga faqat nonimni olib kelish uchun ...
8 sentyabr 2021
Har bir insonning asosiy vazifasi qalbidagi insoniylikni saqlay olishdir», deb yozgan edi XX asr boshlarida yozuvchi Anton Chexov. Bugun, ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...