Asosiy mavzular
24 fevral 2024

Saylovni o‘tkazish bilan Sardor shug‘ullanadi

Saylov bu demokratiyaning umurtqa pog‘onasi. Har bir vatandosh parda bilan o‘ralgan xonaga kirib, o‘z siyosiy irodasini bildirib iqtidor vektoriga ta'sir ko‘rsatish imkoniga ega. Bu imkondan foydalanish masalasi ayri.

2024 yili dunyoning 60 dan ziyod davlatida saylov bo‘ladi. The Economist jurnaliga ko‘ra, aynan bu yil tarixni o‘zgartira oladigan saylovlar o‘tadi. O‘zbekiston ham demokratik va dunyoviy tamaddunning parchasi o‘laroq yil so‘ngida deputatlarni saylaydi. Xalq deputatlari viloyat, tuman va shahar Kengashlari sayloviga tayyorgarlik ko‘rish masalasi Eltuzda mavjud eksklyuziv ma'lumotga ko‘ra, Prezidentning maxsus topshiriqlar bo‘yicha maslahatchisi  Sardor Umrzoqovga topshirilgan.

Eltuz muxbiri olgan videoda Sardor Umrzoqovning saylovga tayyorgarlik ko‘rish uchun Namangan viloyatiga borgani aks etgan.

2022 yilning iyul oyidan Prezident administratsiyasi rahbari lavozimida ishlab kelgan Sardor Umrzoqov 2023 yilning avgust oyida Prezidentning maxsus topshiriqlar bo‘yicha maslahatchisi lavozimiga tayinlangan edi.

Amalda avvaldan ushbu lavozim bo‘lmaganligi sababli, hozirgacha Sardor Umrzoqov ushbu lavozimda qanday vazifani bajarayotgani yoki bajarishi jamoatchilik oldida ochiq savol bo‘lib turgan edi. Mana Eltuz bu savolga ham javob topdi.

Mamlakat deputatlarini yangilash, naftalin siyosat va eski ballastlardan qutulishni ko‘zlagan saylovni sifatli o‘tkazish kabi vazifa Sardor Umrzoqovga topshirilgani ayon bo‘ldi.

Eltuz uydagi gapni ko‘chaga chiqaradi.

Tag‘in o‘qing
17 avgust 2021
The Economist nashri 15 avgust kuni «Tolibon»ning Afg‘onistondagi g‘alabasi va hukumatning tezda taslim bo‘lishi tahliliga bag‘ishlangan maqola chop etdi. ...
16 avgust 2017
2018 yilgi Green Card lotereyasi natijalariga ko‘ra, Amerikada yashash imkonini olgan g‘oliblar miqdori bo‘yicha O‘zbekiston beshlikdan o‘rin oldi. Beshlikka ...
10 fevral 2019
O‘zbek jamiyatidagi muhofazakor qatlamning turk seriallariga qarshi «jihodi»ning ajablanadigan joyi yo‘q. Aslida bu masalaning ildizi psixologik mavzu. An'anaviy muhofazakorlarning ...
3 iyul 2016
Turkiya aeroportida 28 iyun kechasi uyushtirilgan bombali hujum paytida halok bo‘lgan namanganlik Abrorjon Ustaboev va toshkentlik Muxiddinov Samad Murodovichlar ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...