Asosiy mavzular
25 fevral 2024

O‘rta Chirchiq hokimi hukumat qarorini ham, do‘konni ham buzdi

Prezident qarori asosidagi auktsion savdolari orqali olingan joylarning buzib tashlangani iddao qilingan murojaat yuzasidan O‘rta Chirchiq tumani hokimligi ushbu ob'ektlar auktsion savdosida yutib olinmaganini rasman bildirdi.

“Qayd etish lozim, ushbu ob'ektlar auktsion savdosida yutib olinmagan va noqonuniy o‘rnatilgan konteynerlar hisoblanadi” deyiladi Eltuzga yetib kelgan O‘rta Chirchiq tumani hokimligi Axborot xizmati tarqatgan rasmiy bildirishda.

Rasmiy bildirishda shuningdek, “tegishli ishchi guruh tomonidan olib borilgan o‘rganishlarda O‘rta Chirchiq tumani «Mustaqillik» mahallasi hududida yo‘lning qatnov qismi chetida qat'iy belgilangan qonun talablariga rioya qilinmay o‘zboshimchalik bilan, qolaversa, hech qanday auktsion savdolarisiz o‘rnatilgan reklama bannerlari, yengil tipdagi konteynerlar aholi, ayniqsa, yo‘l-transport harakati ishtirokchilariga qulaylik yaratish, sun'iy tirbandliklarning oldini olish maqsadida” olib tashlangani aytilgan.

Bundan avval, Eltuz obunachisi O‘rta chirchiq tumani hokimi prezident qarorlari asosida tashkil etilgan «Auktsion» savdolari orqali yutib olingan joyni buzdirib tashlagani haqida xabar bergan.

“Qonuniy xizmat olib borayotgan tadbirkorlarga bunday bosim bo‘lib, faoliyatiga qarshiliklar ko‘payaversa kimni tadbirkorlik qilgisi keladi? Yana qachongacha buzdi-buzdi davom etadi?” deya yozg‘irgan edi.

Rasmiylarning bildirishiga javoban u Eltuzga ob'ektning chindan ham auktsionda yutib olinganini tasdiqlovchi hujjatlarni yubordi.

Hususan 2023 yilning 29 mayida o‘tkazilgan elektron onlayn-auktsion tanlov natijalari bo‘yicha LF tartib raqamli ishtirokchi 5690047 lot raqami bo‘yicha tanlov g‘olibi deb topilgani qayd etilgan.  

Elektron onlayn Auktsionlarni tashkil etish markazi davlat unitar korxonasi KS 025 92 98 48 conli bayonnomasiga ko‘ra, oziq va nooziq ko‘chma savdo ob'ekti 36 oy muddat bilan foydalanishga berilgan yer uchastkasining sotilgan narxi 945 ming so‘m deb ko‘rsatilgan.

Ayni hujjatda E-auktsion savdo platformasining O‘zbekiston Respublikasi Vazirlar mahkamasining 2022 yil 12 yanvardagi 18 qarori asosidagi nizomning 46 bandi bilan tasdiqlangani, ayni bayonnoma oldi sotdi shartnomasi kuchiga egaligi, mulk va mulkiy huquqni davlat ro‘yxatidan o‘tkazish uchun asos hisoblanishi bildirilgan.

Tadbirkorlik sub'ektlari uchun ayni talab, ya'ni Vazirlar mahkamasi qaroriga ko‘ra, ko‘chma savdo ob'ektlarining avtomatlashtirilgan axborot tizimida ro‘yxatga olinishi kerakligi O‘rta Chirchiq tumani hokimligi xati xulosasida ham alohida ta'kidlangan.

Bu bilan O‘rta Chirchiq tumani hokimi bilvosita hukumat qarori asosida tashkil qilingan auktsion savdolari orqali olingan joyning buzib tashlanganini tan olayapti.

Agar rasmiylar bildirgani kabi bu qurilmalar yo‘l transport harakatiga halaqit berayotgan bo‘lsa u holda bu muammolar uchun, tag‘in shu ob'ektni savdoga qo‘ygan hukumat unitar korxonasi yoki vazirlar mahkamasi javob berishi kerak.

Eltuz esa uydagi gapni ko‘chaga olib chiqadi, kanalimizga obuna bo‘ling, videolarimizga layk bosing.

Tag‘in o‘qing
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida sodir bo‘ldi.  Qop qora ...
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni O‘zbekistondagi fermerlarning muammolari, jumladan, ...
21 noyabr 2016
Rassom Tuz o‘zining navbatdagi karikaturasida Shavkat Mirziyoevga yordam so‘rab murojaat qilayotgan o‘zbek yoshlari zehniyatiga nazar tashlaydi. Bosh vazir virtual ...
12 fevral 2019
Bugun Toshkent metropolitenidan foydalanayotgan yuz minglab vatandoshlarimiz yana shu savolga javobni bilishga haqli. Lekin metropoliten rahbarlari nega bir necha ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...