Kadastr palatasi Qibray filialida korruptsion surbetlik

Filial boshlig‘i Kamoliddin Abdullaev o‘ziga KIA K5 rusumli mashina sotib olib kreditni xodimlarga to‘lattirmoqda.

Kadastr palatasi Qibray tuman filiali xodimlarining iddao qilishlaricha, Kamoliddin Abdullaev shaxsiy mashinasi kreditini yopishga ulardan har oy 11 million so‘m miqdorida soliq yig‘ib oladi.

Shuningdek, Kamoliddin Abdullaev o‘z lavozimini suiiste'mol qilib, qalbaki hujjatlar bilan otasi Shavkat Abdullaevga ikkita yer maydoni, onasi Farida Abdullaeva nomiga esa bitta issiqxona va bitta turar joy uchun yer maydoni qayd etdi.

Ayni damda ushbu yerlarni rasmiylashtirish vazifasi Kadastr agentligi Qibray tumani bo‘lim boshlig‘i Ziyodulla Tolibovga topshirilgan.

Insayderlarning xabar berishlaricha, Kamoliddin Abdullaev shu yerlarni rasmiylashtirish uchun Ziyodulla Tolibovga bosim o‘tkazib, majlislarda haqorat qilyapti.

Iddaolarga ko‘ra, Kamoliddin Abdullaev ushbu maydonlarni ota-onasiga o‘tkazib berishda Toshkent viloyati Kadastrlar agentligi boshlig‘i Rustam Payzievning buyrug‘iga asoslanyapti.

Yuqorida keltirilgan faktlar kadastr hujjati nusxasi va audio yozuv bilan dalillanadi.

Eltuz Kamoliddin Abdullaevning munosabatini nashr qilishga tayyor.