Stokgolmda O‘zbekiston Konstitutsiyasi kuni bayram qilindi

Joriy yilning 7 dekabr kuni Stokgolm shahrida O‘zbekiston Konstitutsiyasi qabul qilingan kun munosabati bilan O‘zbekistonning shvetsiyadagi elchixonasi, madaniyat markazi va vatandoshlar jamiyati tashabbusi ostida madaniy kontsert tadbiri bo‘lib o‘tdi.
Tadbirni asli kelib chiqishi Xorazmlik, yaqinda shved qiroli yorlig‘ini olishga muvaffaq bo‘lgan O‘zbekistonning Shvetsiyadagi yangi elchisi Rahmatullo Nurimbetov ochdi. Va u Konstitutsiyaning O‘zbekiston vatandoshlari huquqlarini belgilashdagi roli haqida gapirdi.
Eltuzga intervyu bergan elchixona xodimasiga ko‘ra yangi elchi Shvetsiya bilan O‘zbekiston o‘rtasida yaqin aloqalar o‘rnatish yo‘lida astoydil harakat qilmoqda.
O‘zbekistondan tashrif buyurgan xonanda va sozandalar guruhi kechaga fayz kiritdi.
O‘zbekistondan kelgan Xalqlar do‘stligi sozandalar guruhi raxbari Shvetsiyada elchixona tashkil qilinganidan buyon o‘zbekistonliklar uchun viza olish jarayonlar ancha yengillashganini bildirdi.
Hamma raqsga tushdi. Xatto janob elchi Nurimbetov ham bu safar diplomatik mulozamatni yig‘ishtirib qo‘yib o‘zbek turg‘unlari bilan lazgiga tushdi.
Tadbir so‘nggida hamma oshga taklif qilindi.