Туркия ва Ўзбекистон биринчи хонимлари учрашди

Туркия президенти Ражаб Эрдўғоннинг хотини Амина Эрдўғон 30 апрель куни ўзининг Twitter тармоғига президент Мирзиёевнинг хотини Зироатхон билан тушган расмини қўйди.

«Ўзбекистон пойтахти Тошкентда Зироатхон Мирзиёева хоним афанди ила унумли бир учрашув қилдик. Самимий уй соҳибасига ташаккуримни билдираман», дея ёзди Амина Эрдўғон расмга изоҳида.

Эслатиб ўтамиз, 30 апрель куни Тошкентда президент Шавкат Мирзиёев ва Туркия президенти Ражаб Эрдўғоннинг олий даражадаги учрашувлари ўтган, бунда Ўзбекистон ниҳоят Туркий халқлар ҳамкорлиги кенгашига қўшилиш истагини билдирганди.

«Бу ўта муҳим ва буюк қарор!» дея таъкидлаган эди Мирзиёев.

Eltuz.com