Асосий мавзулар
20 октябр 2016

«Адолат ҳимоячиси»га миннатдорлик хатлари кўпаймоқда

Олдин ҳам ёзгандик, Бош вазирнинг виртуал қабулхонасига мурожаат қилаётганлар ўз муаммоларига тез ечим топаётганидан миннатдор бўлаётгани ҳақида сўнгги вақтларда кўп гапириляпти.

Ўзбекистон оммавий ахборот воситалари бу ҳақда тўлиб-тошиб ёзяпти. Ана шундай миннатдорлик мактублари ҳақида ЎзА тайёрлаган материал «Ўзбекистон овози» газетасида (18.10) ҳам эълон қилинди.

«Биринчи президентимиз бошлаган буюк ислоҳотлар ғайрат ва шижоат билан изчил давом эттирилмоқда» деган дабдабали сарлавҳа остида босилган мақола бошдан охир бош вазирнинг «адолати»га ҳамду саноларга тўла.

«Ўзбекистон бош вазирининг витруал қабулхонасига муаммолари тезда ҳал қилинаётгани учун юртдошларимиз миннатдорлик хатлари жўнатмоқда», деб бошланади мақола.

«Қишлоқда яшаётган биздек оддий фуқароларнинг дардига қулоқ тутиб, масалаларимизни ҳал этиб бераётганингиз мисолида сизнинг биринчи президентимиз ғояларига нақадар содиқ эканингизга амин бўлдик», дейди қишлоғидаги мобиль алоқа сифатидан шикоят қилган бир фуқаро бош вазирга миннатдорлик мактубида.

Бундан ташқари, мақолада аризачилар бу масалалар «бош вазир даражасида кўрилаётганини чуқур англаб етиш»га чақирилади ва айрим мурожаатларда нотўғри маълумотлар ҳам учраётгани айтиб ўтилади.

Мақолада ана шундай аризачиларнинг бош вазирга узрхонлик тилаб йўллаган мактубларидан мисоллар ҳам келтирилган.

Масалан, бир фуқаро ўзи Тошкентда яшаши туфайли қишлоғида газ таъминоти ёмонлиги тўғрисида нотўғри маълумотга асосланиб бош вазирга ноўрин мурожаат қилганидан узр сўраган.

Мақоланинг эътиборни тортадиган жиҳати унинг Халқ демократик партияси нашри бўлмиш газетада эълон қилинганидир.

Биласиз, бош вазир ЎзЛиДеПдан президентликка номзод этиб кўрсатилган. «Ўзбекистон овози» эса ХДПнинг ўз номзоди қолиб, бошқа партия вакили кўкларга кўтарилган мақолани чоп этиши сал ғалатироқ туюлмаяптими?!

Қолаверса, бу газета ХДПдан президентликка номзоднинг «оламшумул ишлари» тўғрисида ҳали бир оғиз ҳам гапиргани йўқ. Ҳатто ундаги партия қурултойига бағишланган мақолаларда ҳам номзоднинг исми баъзи жойларда эслатиб ўтилган, холос.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
21 май 2018
Президент Мирзиёев 19-20 май кунлари Андижон вилоятига қилган сафарида коррупционер собиқ бош прокурор Рашид Қодировни яқин орада телевидениеда гапиртиришини ...
16 сентябр 2020
Президент Мирзиёев имзолаган янги қарорга кўра, 2021 йилнинг 1 январидан меҳнат муҳожирларига солиқлар жорий этилади.’ Қатор ўзбек нашрларининг ёзишича, ...
22 январ 2019
Ҳукуматнинг фермерлик учун ажратилган ер майдонларини мақбуллаштириш тўғрисидаги қарори шундай ҳам аҳволи оғир бўлган фермерларни яна бир синов қаршисида ...
15 октябр 2018
Ижтимоий тармоқда Журналистика университети ректори, Халқаро пресс-клуб раиси Шерзод Қудратхўжаевнинг пахта тераётгани акс этган фотосуратлар пайдо бўлди. Биринчи расмда ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...