UzPoster
11 сентябр 2019

Актам Ҳайитов: “Биз кўп гўшт емоқдамиз!”

Тошкентда 10 сентябрь куни ўтган матбуот анжуманида республика фермерлар кенгаши раиси Актам Ҳайитов мамлакатда гўшт қимматлаётгани сабабини гўштнинг кўп истеъмол қилинаётгани билан изоҳлади.

“Гўшт нархи нега қимматлаб кетяпти деб ўйлайсизлар? Тўғри, озуқа етишмаслиги биринчи сабаб, иккинчидан, бугун биз жуда кўп гўшт истеъмол қиляпмиз. Шунчалик кўп гўшт емоқдамизки, бунинг натижасида кўпгина касалликлар пайдо бўляпти. Буни «Америка касаллиги» дейишади, бу касаллик менда ҳам бор, ҳаммамизнинг танамизда ортиқча гўшт бор”, деди Актам Ҳайитов.

Унинг гапи фейсбук тармоғи фаоллари кулгусига сабаб бўлди ва мемга айланди:

Ҳамза Али: “Мана бир “ақлли”…!😎 Биз гўштни куп истеьмол қиларканмиз!??? Одамлар ҳафтасига оладиган икки кило гушти бир килога тушганига анча булди. 🔉 Умуман гўшт емасак, Сизлар тўясизларми??? 😎🤣🤣🤣”

Анвар Мустафо: “Амалдорнинг “Биз жуда кўп гўшт емоқдамиз” деган гапини ўқиб ҳар қандай оддий одам “Бизчи?!” деса керак. Умуман олганда гўштнинг қимматлиги сабабини шунга боғлаш жуда шармандали ҳолат. Истаган шифокордан сўранг, қишлоқларда камқон бўлмаган аёл йўқ ҳисоби. Витамин етишмаслигидан болалар учун давлат бепул мультивитаминлар тарқатишга мажбур бўляпти. Бу кишим эса “кўп гўшт еяпмиз” дейдиее”.

Муяссархон Тўхтасинова: “Бозорларда гўштни нархини 38000- ёзибди аммо 55000-60000дан камига сотишмаяпти. бу кўзбўямачилик кимга, нимага керак??? Юқоридаги амалдорлар ҳотиржам бўлинглар гўшт емай қўйганмиз, чунки пулимиз етмаяпти. Сизлар туфайли нон хам еёлмасак керак”.

Оксана Рогожка: Балким бизлар нафас ҳам кўп олаётгандирмиз, бўйнимизга счетчик қўйиб берсин тариф билан, ойига қанча нафас олиш керак деб…”

Абдуазиз Хикматов: Шу ҳафта қайси аҳмоқ челлендж қиларкана, деб кутган эдим…ИССЛЕДУУЮЮЩЩИИИИЙЙЙ!!??”

Ижтимоий тармоқлар бўйлаб ёғилаётган кўплаб изоҳлар орасидан “Элтуз” фермерлар кенгаши раиси Актам Ҳайитовни қўлловчиларни ҳам излади. Лекин уларнинг ўта камчиликни ташкил қилиши ёки расмиятчиликдан нарига ўтишмаётгани маълум бўлди.

Eltuz.com

Тағин ўқинг
17 октябр 2016
Сўнгги вақтларда Ўзбекистон матбуоти бош вазирнинг виртуал қабулхонасини салкам “адолат уйи”га тенглаштириб қўйди, десак хато бўлмайди. Ҳозир ҳар бир ...
18 апрел 2018
Мирзиëев N вилоятининг олис бир туманига вертолётда учиб келди. Юртбоши тикучар зинасидан тушиб, атрофга аланглаб қаради. Атроф ивирсиб ëтибди. ...
12 декабр 2016
Самарқандда келаси йили уч йўналишда шаҳар кўчаларини боғлайдиган трамвай йўллари ишга туширилиши ҳақида хабар беради ЎзА нашри. Бироқ шу ...
6 июл 2019
“Элтуз” нашри жамоаси бир ҳафта давомида Германия пойтахти Берлинда янги режаларни белгилаб олди ва навбатдаги тренингдан кейин уч ҳафталик ...
Блоглар
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: “Капитализм ҳуқуқсиз, ёлланма ишчиларни эзиб ишлатишдир. ...
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу ...
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...