Кетмоновнинг деҳқонча фалсафаси

«Ўзбекистон овози» газетаси ўз муассиси бўлмиш халқ демократик партияси раҳбари, партиянинг парламент қуйи палатасидаги фракцияси раҳбари Ҳотамжон Кетмоновнинг интервьюсини эълон қилди.

Eltuz.com ўқувчилари учун, қизиғи шундаки, Ўзбекистондаги энг йирик партиялардан бирининг раҳбари берган интервьюсида мамлакатдаги аҳолини ташвишга солаётган, тараққиётга тўсиқ бўлаётган бирорта муаммони тилга олмайди.

Аксинча, жойларда сайловчилар билан учрашувларда «мамлакатимизда барча жабҳаларда олиб борилаётган ислоҳотлар ҳаётий самара бераётганига, фуқаролар уларни ҳар томонлама қўллаб-қувватлаётганига гувоҳ бўлгани»ни таъкидлайди.

Собиқ СССР даврида юқори ҳосил олиб, компартиянинг назарига тушган оддий деҳқон ҳам депутатликка «сайланиб», даврада сўррайиб ўтирарди. У ҳам компартия айтмаган, айтишга рухсат бермаган бирорта муаммони кўрмасди.

Кетмоновнинг интервьюси ҳам ўша даврларни, депутат деҳқону чорвадорларнинг ура-урасини эсга солади.

Eltuz.com