Асосий мавзулар
8 феврал 2019

Ўзбекларнинг чўққидаги бургутга тақлиди

Бургут тоғнинг тепасидаги чўққида қимирламай ўтирарди.

Қуëн бўлса пастдаги адиру тепаликларда югургани югурган эди.

Бир куни қуëн бургутга қараб: “Мен ҳам сенга ўхшаб қимирламай ўтирсам майлими”, дебди. “Ўтиравер”, дебди бургут.

Қуëн битта тош устига чиқиб, бургутга тақлидан виқор билан бир нуқтага қийтор кўзларини боқиб қимирламай ўтирибди.

Қуëн ўзини улуғвор ҳис қилибди. “Оламнинг киндиги мен бўлсам керак”, деган ўйларга ботибди.

“Эҳ, умрим тириклик ташвишида бир тепадан иккинчи тепага сакраш билан ўтди! Бундоқ тинчгина хотиржам ўтирсам ҳам бўлар экан-ку. Эҳ, ҳузур-ҳаловатга нима етсин!” деб баттар бир нуқтада қотибди қуëн.

Ўша жойда юрган тулки қуëнни кўриб қолибди. Одатда тулкини кўриши билан мингга қўйиб қочадиган қуëн будда ҳайкали каби қимирламай ўтирганмиш.

Тулки бир сакраб қуëннинг бўғзидан тишлабди. Бир пасда бу қуëн оч тулкининг ошқозонидан жой олибди.

Қиссадан ҳисса, ҳаракатдан тўхтаган тулкига ем бўлади.

Бургутга ўхшаб ўтириш учун бургут каби юксак чўққида яшаш керак.

Бедананинг юришини қиламан, деб чумчуқнинг чатаноғи айрилибди.

Ўзинг каби яша ва зинҳор қимирлашдан тўхтама…

Хўп, шу ерда насиҳатни тўхтатиб, ҳаëтга қайтсак. 18 ëшида уйланган йигитга келин бола тарафидан “яшаш стандарти” белгиланган қизил карточка кўрсатилади.

“Каптива” (қиммат мошин), Ўрикзорда вилла. “Версал”да туғилган кун. Айфон. Ўша охирги матоҳ ҳам 700 туради. Кўкида.

Чунки фалончиларда ашнақа тилпон бор, чунки пистиëнчилар ашнақа уйларда яшайди. Гапнинг қисқаси, чўққидаги бургутлар.

Ҳали оғзидан она сутининг ҳиди кетмаган ва бирор касб-ҳунар бошини тутиб, пул топиш санъатини эгалламаган 18 яшар йигит елкасига бу зил-замбил оғирлик юкланади.

“Уйландингми, таъминлаб қўй”, дейишади жунбул жамоат.

Йигит аланг-жаланг қилиб ўрис ëки қозоққа кетади.

Йўлда у тушган автобус ëниб кетади (бу ҳолатнинг варианти кўп. Ҳамқишлоқ уриб ўлдиради. Бошига бетон тушиб келади ëки ичбуруғдан ўлади). Келин боланинг номига темир тобут келади. Қучоқлайвер энди муздай мурдани.

Ассалому алайкум, Ўзбекистон, жума муборак.

Rassom Tuz
Eltuz.com

Тағин ўқинг
29 январ 2018
Тошкент шаҳри марказидаги модерн меъморчилик намунаси бўлган Киночилар уйи ва бошқа биноларнинг бузилиши Давлат архитектура ва қурилиш қўмитаси раисининг ...
22 сентябр 2016
Қишлоқ хўжалигидан йироқ турли касбдаги одамлар, нафақат ўз оиласи ва ишини ташлаб далага чиқиши, балки бу ҳақда гапирмасликлари, шикоят ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ҳам газга ёлчимаяпти. Ўзбекистонда ...
4 октябр 2017
4 октябр куни тушдан кейин 67 ёшли маҳкум журналист Солижон Абдураҳмонов Қаршидаги Шайхали қамоқхонасидан озод этилди. Фото: Ҳуқуқ фаоли ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...