Cатира
3 ноябр 2020

Чўчқа тасвирига қадимчилар «аллергия»си

Ғафур Ғулом номидаги нашриёт-матбаа ижодий уйида чоп этиган «Ўзинг ясаб ол» журналида чўчқа расми тасвирлангани Ўзбекистондаги қадимчи консерваторлар қатлами тарафидан душманларча қарши олинди.

Ўзбекистондаги радикал диндорлар минбари сифатида кўриладиган нашрнинг жазавасини журналист Нозим Сафарий чўчқафобия ва сюрреализм, деб атади.

“Азон.ўз сайтидаги мақола шунчалик сюрреалистик ва конспирологик ҳамда кулгулики, айрим иқтибосларини сизлар билан бўлишгим келди):

«Ғафур Ғулом номидаги нашриёт-матбаа ижодий уйида чоп этилибди. Демак, чўчқа тарғиботи жуда катта идоралар раҳнамолигида олиб бориляпти».

«Худди мусулмонларни ичдан емиришга қаратилган ҳаракатга ўхшайди. Бугун чўчқанинг шаклини ясаган бола унга оддий қарашни бошлайди, эртага қўшниси чўчқа боқиб, бутун маҳаллани саситса ҳам индамайди, чўчқа гўштини тортинмай еяверади…».

«Мусулмонларга зарар етказиш мақсадида онг остига қилинаётган бу каби ҳужумларга бефарқ бўлманглар».

«Нашр муаллифи Шуҳрат Мирфаёзовнинг чўчқа фермаси бўлса керак. Шу орқали ўз маҳсулотларини сотишни қасд қилгандир».

Соғлом ақл билан қаралганда чўчқанинг оддий суратидан бундай конспирология ясаш кучли наркоманияга ўхшайди)). Майли, ўзлари билишади. Мана, учинчи кундирки, мақолани эслаб кулиб юрибман. Кайфият учун раҳмат».

Тадбиркор ва блогер Фируз Аллаев эса ҳазиломуз тарзда «Симба» мульфильмини ҳам тақиқлашни таклиф қилибди. Чунки фильмда барчамиз ёшлигимизда севиб томоша қилган Пумба образи бор.

Мақола муаллифи мантиғи билан қаралганда, тўғри ташаббус. «Ну погоди»ни ҳам тақиқлаш керак, чунки пляжда ётган чўчқа тасвири бор.

«Хулоса қилиб айтганда, чўчқа тасвиридан қўрқиш ғалати. Уни истеъмол қилмаслик буюрилган. Қоғоздаги тасвирни эса ейиш қийин наздимда».

Бу ҳол китоб ноширлари ва классик адабиёт мухлислари томонидан ажабланиш билан қаршиланди. Аллаевнинг фикрини давом эттирган Зафар Солижонов эса бидъатчиларга қайси мамлакатда ва қайси даврда яшаётганимизни англатишга уринади:

“Нега конспирологияларга ишониб, фобияда (қўрқиб) яшаш керак? Агар бу фикрлар тўғри дейдиган бўлсак, унда «Винни Пух», «Хрюша» ва бошқа шу каби мултфилмларни ҳам тақиқлайлик. Мана шу мультфильмлар даврида ҳам ҳақиқий ислом олимлари етишиб чиқди-ку. Нима бўляпти сизларга? Нега ҳар нарсага хавф деб қараяпсиз? Танлов бор-ку ҳаммада. Яна бир гап. Конституция, 1-модда, Ўзбекистон — суверен демократик республика. Унутмайлик а, илтимос. Сизларга бошқа гапим йўқ».

Инглиз ёзувчиси Жорж Оруэлл ўзининг “Молхона” асарини 1945 йили чоп қилган. Китоб ҳар бир  инсонни мулоҳаза қилишга ундайди: нега бу дунёмиз шундай, у аслида қандай бўлиши керак…  «Молхона“ жаҳон адабиёти тарихидаги энг муваффақиятли ва баҳсли асарлардан бири ҳисобланади. Асар ғоясидан келиб чиқиб асосий намуна сифатида СССР олинганлигини фараз қилиш мумкин.

Eltuz.com

Тағин ўқинг
20 март 2016
“Диёнат” газетаси Учқўрғон туманилик ҳамқишлоқларини Қозоғистонга олиб бориб, 500 минг тангага сотиб юборган шахс беш йил муддатга қамоқ жазосига ...
12 апрел 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Хоразм вилоятининг Шовот, Жиззах вилоятининг дўстлик, ...
4 апрел 2021
Муҳтарам ўқувчи, сиз билан Ўзбекистон ғарбининг олис Дружба шаҳридаги қозонхона гўлахи бўлган Қўйлининг Покистондаги Пешавор шаҳригача бўлган саргардонлигини кузатдик. Мана, ...
27 апрел 2017
Президент Мирзиёевнинг табиий газни сотишни хусусий операторларга ўтказишга оид ҳужжатни имзолаши ортидан, ўзбек матбуотида бу қарорни олқишловчи материаллар пайдо ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...