Асосий мавзулар
6 октябр 2021

Фарғонада институт ўқитувчиларидан таъмир учун пул йиғилди

Фарғона политехника институти ўқитувчисининг «Элтуз»га ёзишича, жорий ўқув йилидан бошлаб енгил саноат ва тўқимачилик факультети бошқа бинога кўчирилиши ва институт биносининг реконструкция қилиниши муносабати билан ўқитувчилардан пул йиғиб олинган.

“Факультет декани Рустам Аноров топшириғига кўра, жорий йилнинг 20 августидан бошлаб ҳар бир ўқитувчидан 255 минг сўмдан йиғилди. Жами аниқ 6 миллиондан ошган бўлиши керак”, деди «Элтуз»га ўз исмини очиқлашни истамаган институт ўқитувчиси.

Унинг сўзларига кўра, бу ҳам етмагандек, аёл ва эркак ўқитувчилар ўқув жиҳозлари, мебель ва парталарни 4-қаватдан пастга ва тепага олиб чиқиш буюрилган.

Факультети Фарғона шаҳрининг Қиргули мавзесидаги “Рухсор ТВ” биноси рўпарасидаги собиқ иқтисодиёт коллежи биносига кўчирилган. Ўқитувчилардан йиғилган пуллар коллеж биносининг 4-қаватидаги 8 та хона таъмирига ажратилиши айтилмоқда.

«Элтуз»га мактуб ёзган ўқитувчи бир қанча фотосуратларни ҳам илова қилган, унда ҳақиқатан ҳам парта ва институт жиҳозларини ташиётган, хона ойналарини артаётган ўқитувчилар акс этган.

Айни ишларга мажбурлаш ҳолати, мактуб эгасига кўра, институт биноси таъмирдан чиққанидан сўнг тағин такрорланган.

“Янги бино битганидан кейин ўқитувчилар декан томонидан яна ишга солинди ва улар яна парталарни кўтариб, 3 қаватли бинонинг 1-2-3-қаватига олиб чиқишди”, дея ёзади ўқитувчи.

Мактуб эгасининг сўзларига кўра, агар ўқитувчи пул йиғиш ёки мебель ташиш каби мажбуриятдан бўйин товласа, декан уларга ҳайфсан бериши ёки ишдан ҳайдаши мумкин.

У, шунингдек, ўз мактубида Фарғона политехника институти ўқитувчилари таълим савиясининг жудаям пастлиги ҳақида ёзади.

“Ўқув савияси ўта паст. Ўқитувчилар ўз мутахассислигига оид бўлмаган фанлардан дарс ўтишади. Талабаларга: “Бу менинг фаним эмас, бўш ўтирманглар”, деб дарсга кириб, 80 минутдан сўнг чиқиб кетишади”, дейди ўқитувчи.

Eltuz.com

Тағин ўқинг
15 декабр 2017
14 декабрь куни HRW тадқиқотчиси Стив Свердлов Ўзбекистондаги расмий матбуотнинг иккиюзламачилиги ҳақида мақола чоп қилди. Podrobno.uz сайтида 5 декабрда ...
15 феврал 2017
«Жамият» газетаси (10.02) нодавлат нотижорат ташкилотлар фаолиятининг «сирли қирралари» ҳақида мақола эълон қилди. Унда ёзилишича, «дунёда ўз манфаатини бошқаларникидан ...
6 апрел 2018
Тошкент шаҳри бош имом-хатиби 60 ёшли Анвар Турсунов халқ орасида 16-горбольница деб айтиладиган Шошилинч тиббий ёрдам кўрсатиш республика илмий ...
24 июн 2019
Ўзбек футболи тарихидаги “номи қоралар” рўйхатида биринчилар қаторида турадиган Самвел Бабаян мамлакатнинг бели энг бақувват футбол клубларидан бири – ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...