Асосий мавзулар
21 сентябр 2022

Шартнома қани?

Ўзбекистондаги кўплаб фермер хўжаликлари кластерлар пахта ва бошоқли дон харид қилиш бўйича фьючерс шартномалар нусхасини ҳалигача ўзларига бермаётганидан норозилик билдирмоқда.

Хусусан, Андижон туманида 97 та, Избоскан туманида 130 та, Янгибозор туманида 146 та фермер хўжалиги 2022 йил пахта хариди ва 2023 йил бошоқли дон хариди бўйича фьючерс шартномаларни олмаган.

Бу ҳақда Ўзбекистон Фермер, деҳқон хўжаликлари ва томорқа ер эгалари кенгаши раиси ўринбосарининг Бош прокуратура ва Қишлоқ хўжалиги вазирлигига йўллаган мактубида айтиб ўтилган.

“Масалан, Андижон туманида фаолият юритаётган “Қодир бобо озод замини” фермер хўжалиги иш юритувчиси З.Отажонов пахта терими бошланиб кетган бўлса-да, “Соҳиб омад барака” МЧЖ пахта-тўқимачилик кластери томонидан шартнома нусхаси шу кунга қадар берилмаганини маълум қилган”, дейилади мактубда.

Нусхаси “Элтуз”да мавжуд ушбу мактубда айтилишича, ўтказилган сўровда Пахтакор, Мингбулоқ, Пахтачи ва Музработ туманларидаги фермер хўжаликлари раҳбарлари кластерлар билан пахта ва бошоқли дон хариди бўйича тузилган фьючерс шартномаларни олмагани аниқланган.

“Бу каби ҳолатларга республиканинг барча ҳудудларида йўл қўйилмоқда”, дейилади Фермер, деҳқон хўжаликлари ва томорқа ер эгалари кенгаши раиси ўринбосари З.Мустафоқуловнинг мактубида.

Амалдаги қонунчиликка кўра, пахта ва бошоқли дон харид қилиш бўйича фьючерс шартномалар туман қишлоқ хўжалиги бўлимларида рўйхатдан ўтказилганидан кейин икки кун ичида имзоланган ҳолда хўжаликларга берилиши шарт.

Ўз-ўзидан маълумки, шартнома бўлмаган тақдирда фермер хўжаликларининг молиявий фаолияти издан чиқади. Ўзбекистон тажрибасида бу ҳолатда кластер эмас, фермер хўжалиги ҳокимлик тазйиқи остида қолиши кўп кузатилган.

Мактубда Бош прокуратурадан шартномалар берилмагани ҳолатлари бўйича “айбдор шахсларни қонунда белгиланган тартибда жавобгарликка тортиш, хўжалик юритувчи субьектга етказилган зарарни қоплаш”, Қишлоқ хўжалиги вазирлигидан эса “шартнома нусхасини фермер хўжаликларига етказиш чораларини кўриш” сўралган.

“Элтуз”

Тағин ўқинг
16 октябр 2019
“Биздан жиз-з!”нинг бугунги сонида Швецияда яшовчи ўзбек фаоли Дўстназар Худойназаров “Элтуз” мухлислари учун пишлоқли шарчалар (сырники) қандай тайёрланишини намойиш ...
30 декабр 2020
Кечган йил бир вақтлар Гулнора Каримова ўтказган тадбирларга ўхшаган “ëлғон” тадбирлар билан тўла бўлди. “Ëшлар форуми” “Ëшлар билан учрашув” ...
31 декабр 2020
«Элтуз» рассом Элсевардан Янги йил арчасига бағишланган навбатдаги суратни тақдим қилади. Коррупционер ўзбек амалдорлари: «Сигир йили келяпти, халқни соғамиз». ...
9 октябр 2019
Жамоат арбоби ва консалтинг ширкати директори Азиза Умарова Ўзбекистоннинг Евроосиё иқтисодий иттифоқи (ЕОИИ)га қўшилиш эҳтимолини қаттиқ танқид остига олди. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...