Мирзиёевни «қаҳрамон» қилишга 10 минг овоз йиғилди

Кимлиги унчалик муҳим бўлмаган шахс томонидан «Менинг фикрим» ижтимоий порталида президент Мирзиёевга «Ўзбекистон қаҳрамони» унвонини бериш тўғрисида билдирилган таклиф 24 майга келиб 10 минг овоз йиғди.

Айни кунда Мирзиёев шахсига сиғиниш, тўғрироғи, Ўзбекистондаги олий мансаб эгасига мутелик тенденцияси ўз чўққисига яқинлашмоқда.

ЎзЛиДеп партияси вакиллари президент олийларига тезроқ «Олтин юлдуз» бериш иштиёқида чопаётган бўлишса, Халқ таълими вазирлиги 25 май куни битирув кечаси ўрнига Мирзиёевнинг гаплари шиор қилинган тадбирни барча мактабларга жорий қилди.

Ҳаммаси худди қирол Людовик давридаги каби «кимдир поёндоз келтиради, кимдир лунги ушлаб туради» қабилида давом этмоқда.

Мирзиёевга орден беришга интилаётган ўзбеклар рассом Тузнинг янги карикатурасига мавзу бўлди.

Рассом Туз
Eltuz.com