Cатира
5 август 2016

Саида Раметова – ўзбек мутассиблари ғазаб нишонида (видео)

Таниқли актриса Саида Раметова билан боғлиқ видео водий ресторанларидан бирида қўл телефонида тасвирга олинган бўлиб, бунда у ҳинд қўшиқлардан бирига драмтеатр актёри Юнус Асқаров билан рақсга тушади.

Бироқ, ҳар сафаргидек видео тармоқда яшин тезлигида тарқалди ва мутассиб ўзбек танқидчилари ва маънавият доҳил сайтларнинг дарғазаб танқидига учради.

“Андишали келинчак”да қайнона, “Нодирабегим”да Увайсий, “Соҳибқирон”да Бибихоним каби буюк шарқ аёллари образини яратган Саида Раметовага ерда узала тушиб рақсга тушиш ярашадими? Буни қайси мезонлар билан ўлчаш мумкин?» дея ёзади ўзини аҳлоқ ҳимоячиси санаган «Қалампир» сайти.

«Ахир у артист, отин ойи эмаску!», дейди рассом Адолат ва машҳур ўзбек кино ва театр юлдузининг айни ҳолатини акс этдириб Eltuz.com нашрига йўллайди.

«Саида Раметовани нима жин урди?» мақоласи муаллифи президент Ислом Каримовнинг «маънавий ҳаётимизни юксалтириш йўлида бошқалар ҳавас қиладиган қандай катта натижалар»га эришилгани ҳақидаги гапларини келтириб, актрисани қилмишига жавоб беришга чақиради.

«Мендан душманларим қасд олмоқчи бўлишган», дея изоҳ беради айни лавҳанинг тармоқда тарқатилишига Саида Раметованинг ўзи. Унинг билдиришича у шахсий базмда спектаклдан парча ижро этган.

Айни пайтда унинг яқин ҳамкасби, машҳур «Темир хотин» филмида ўзи ҳам ҳиндча мотивларга рақсга тушган актер Мурод Ражабов Даракчи нашрига берган интервьюсида: «У нима қилган бўлса, шахсий ишидир!» дейди.

Бироқ, Ўзбекистонда машҳур артистларнинг шахсий ҳаёти мавжуд мафкура институти жазо нишонига айланди.

Тўйларда қатнашгани учунгина истеъдодли артист Саида Раметова театрдан ҳайдалди.

Тошкентда чиқадиган «Бекажон» газетасига ўз ҳамкасби ҳимоясига изоҳ билдирган Мурод Ражабов ижтимоий тармоқлар қанчадан қанча одамларни шарманда қилаётгани, бундай бемаъни нарсаларга қарагиси ҳам келмаслигини айтади.

Саида Раметованинг ўзи сўнгги бир-икки йилда бир неча бор шундай зарбаларга дуч келганини, энди эса бу йўлни топишганини айтади. Бироқ унинг фикрича, қилдан қийиқ қидираётганлар ҳеч нарсага эришганлари йўқ.

«Ким нима деса десин, ким нима қилса қилсин – мен ўзимга ишонаман!» дейди у.

Рассом Адолат
Eltuz.com

Тағин ўқинг
25 октябр 2015
Ҳалокат Анвар ўтирган Матиз машинаси пахта ортилган трактор прицепи билан тўқнашуви натижасида содир бўлган. Ҳозирда машина ҳайдовчиси оғир аҳволда ...
19 декабр 2017
Хоразм вилоятининг Қўшкўпир тумани усталари «Феррари» автомобилининг нусхасини яратишди. Энг қизиғи, унга «Запорожец» автомобили мотори ўрнатилган. «Элтуз» нашрининг Урганчдаги ...
13 апрел 2020
13 апрель соат 06:00 дан бошлаб Наманган шаҳри ва Учқўрғон тумани ҳудудида транспорт ва фуқароларнинг ҳаракатланиши бутунлай тўхтатилади. Истисно ...
14 март 2017
Ўзбекистонда шу кунларда ҳам нотаруисларнинг ошиғи олчи. Мамлакатдаги энг даромадли касблардан бири нотариус. Шу пайтгача уларнинг қирғирликлари ҳақида деярли ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...