Cатира
26 сентябр 2016

Мирзиёев ва молиявий пирамида

23 сентябр куни президент вазифасини вақтинча ижро этувчи Шавкат Мирзиёев томонидан имзоланган қонун Ўзбекистонда энг йирик молиявий пирамида қургани иддао қилинган 38 ёшли тадбиркор чинозлик Аҳмадбой Турсунбоев ҳибсга олинганидан уч ойдан кўпроқ вақт ўтиб кучга кирди.

Янги қонунга кўра, бундай жиноят қилганлар эндиликда «энг кам иш ҳақининг 100 дан 300 баробаригача миқдоридаги жарима ёки 2 йилгача ахлоқ тузатиш ишларига ҳукм этилиши ёки 3 йилдан 5 йилгача озодликдан маҳрум этилиши» мумкин.

Агарда молиявий пирамида такроран ёки хавфли жиноятчи томонидан коммуникация тармоқлари ёрдамида барпо этилган бўлса, 7 йилдан 10 йилгача озодликдан маҳрум қилиш билан жазоланиши алоҳида таъкидланган.

Чинозлик тадбиркор Аҳмадбой Турсунов йилига камида 100 фоиз дивидент ваъдасини бериб одамлардан омонат олиш билан шуғулланиб келган, унинг уйи тинтув килинганида, 7,9 миллион доллар ва ичи олтин буюмлар билан тўла сумкалар мусодара қилинган, ўзбек матбуоти “Турсунбоевга пул берганлар сони 40 мингдан ошиқ» эканини таъкидлаган эди.

Бироқ, Ўзбекистонда пул ва ҳокимият бири биридан ажралмас тушунчадир, шунинг учун, қайсидир чинозлик майда тадбиркор, ҳукуматнинг рағбатисиз узоқ вақт туриши мумкин эмас. Шу маънода, Ахмадбойнинг вакили, унинг орқасида «бетон каби мустаҳкам шахс» турганини билдирганди.

«Бу шахснинг кимлиги қачон очиқланиши номаълум, баъзан бу сирларнинг эгаси уни ўзи билан қабрга олиб кетади», – дейди кекса клептократ Каримов ўлимига ишора қилиб, навбатдаги карикатурани Eltuz.com нашрига жўнатган рассом Адолат.

Рассом Адолат

Eltuz.com

Тағин ўқинг
8 сентябр 2016
Саҳнага чиқиш илинжида бир вақтлар Каримовни мадҳ этган хонанда, ўз видеомурожаатида энди Каримов системаси, шогирдлари ва вазирларини мақтаб кўкларга ...
14 апрел 2016
Тошкент вилоят Халқ таълими ходимларини қайта тайёрлаш ва малакасини ошириш институтига ўқишга келган ўқитувчилар ўзларига нисбатан ўқув юрти ходимларининг ...
20 август 2023
Файзулла Убайдулло Хўжа ўғли, яъни Файзулла Хўжаев 1896 йил 15 мартда Бухоро амирлигида туғилади. Отаси Убайдулло Хўжа Бухоро амирлигидаги ...
15 октябр 2023
Исроил ташқи ишлар вазирлиги маълумотларига кўра, Исроилдаги қуролли тўқнашувларда Ўзбекистоннинг уч нафар фуқароси ҳалок бўлган, яна тўрт нафари бедарак ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...