Келинлар қўзғолонига қарши – қайноналар кенгаши

Ўзбекистоннинг 8 мингдан зиёд маҳаллаларида «Қайноналар кенгаши» фаолият бошлади. Хотин қизлар қўмитасининг янги қароридан аёллар орасида таассуф билдирувчилар ҳам кўпайди.

«Бу қайноналар, қандай ракурсда тўғри секс билан шуғулланишни ўргатадими? Менимча бу гуруҳнинг катта бир интим муаммолари бор», деди бу хабарни фейсбукдаги лентасига қўйган тошкентлик актриса Олеся Недобегова.

«Энди институтма институт юришади. Шу хотинлар ўз йиғилишлари билан жонга тегишганди» дея ёзди Мадина Тўхтабоева исмли юзер.

«Қайнона! Бу дискриминация…» деган фикрни ёзди Гавҳаршодбегим Аҳмедова.

Кимдир, энди «қайнаталар кенгаши»ни ҳам тузиш керак деб мутойиба қилди.

«Ўзимни кулгидан тўхтата олмайман, яқинда маҳаллаларда отишма бошланади. Бекор қуролга руҳсат беришдими» деди Карина исмли яна бир аёл.

Бу ҳақда хабар берган ЎзА агентлиги Хотин қизлар қўмитаси раиси ўринбосари Гулнора Маруфова сўзларини иқтибос келтиради:

«Оила тинчини бузадиган жиддий зиддиятларни олдини олиш ва оила бирлигини сақлаш – кўп жиҳатдан қайноналар зиммасидадир»

Расмий хабарга кўра, ушбу жамоатчилик тизилмаси, кекса аёлларнинг ҳаёт тажрибасини ёшлар орасида кенг ёйиш мақсадида тузилган.

Рассом Туз
Eltuz.com