Мирзиëев йирик каламушлар қолиб митти сичқонлар билан жанг қилмоқда

Президент Мирзиёевнинг Олий Мажлисдаги танқидидан сўнг Молия вазирлигидаги 500 дан зиёд ходим бўшатилди.

«Молия тизимининг номига доғ тушираётган “каламушлар”ни ҳайдаш юзасидан ҳудудий раҳбарларга қатъий топшириқлар берилган», дея билдирди 27 декабрь куни ЎзА.

Бироқ Мирзиёев ҳақиқий йирик каламушларни ҳамон кўрмасликка олмоқда. Масалан, МХХ раиси Рустам Иноятов ва унинг оиласи айни шундай «каламушлар» тоифасидан экани яқинда ошкор бўлди.

18 декабрь куни Open Source Investigations (OSI) суриштирув гуруҳи Иноятов оиласининг бутун дунё бўйлаб мулк ва ширкатларга эгалик қилаётгани ҳақида далиллар борлигини ёзди.

Суриштирув гуруҳи Венадаги Иноятовларга тегишли 2,5 миллион евро турадиган қаср ҳақида ёзди. Лекин ОSI бу ҳали хамир учидан патир эканини билдирмоқда.

Рассом Туз
Eltuz.com