Cатира
26 феврал 2020

Гулнора Каримовага қарши «одил судлов» деган чўпчак ҳақида

25 февраль куни Гулнора Каримованинг Лондонда яшаëтган қизи Instagram саҳифасида онасидан президент Мирзиеевга йўлланган мактубни жойлаштирди. 

Мактубда Каримова Ғарб телекоммуникация ширкатлари аралашган коррупцион схема сабабли Швейцарияда музлатилган 686 миллион доллар эвазига уни озод этишларини сўрамоқда. 

«Оилам ва соғлиғимни сақлаб қолиш учун, бизнинг оиламизда қолган ва Швейцарияда музлатилган пул маблағларига нисбатан ҳар қандай даъволаримдан кечишга тайёрман…», дея ёзди Каримова. 
 
Гулнора Каримова, шунингдек, унга қарши қўзғатилган жиноят ишт материаллари билан ҳеч қачон танишиб чиқмагани, ҳукмларни олмагани ва аёллар қамоқхонасида яна қанча муддат қолишини билмаслигини таъкидлади. 

Ўзбек таҳлилчиси Алишер Илҳомов мазкур ҳолатни бундай изоҳлади: “Бу машмашалар иккала томоннинг ҳам ёмонлигини кўрсатди: бир томон (Каримова) жиноят содир этганлигини англамаяпти, бошқаси эса (ҳукумат) адолат нормаларини бузмоқда. Иккала томон шунчаки савдолашмоқда, бу қонун устуворлигини эмас, балки бозорни эслатади. Каримова хатидан баъзи қизиқарли тафсилотлар қалқиб чиқяпти. Масалан, Швейцария ҳукумати мусодара қилган активларни гуманитар лойиҳаларга йўналтириш тўғрисида. Савол туғилади, бу лойиҳаларни амалга ошириш қайси тизилмага топширилади? 

Бу борадаги ташвиш асоссиз эмас. Швейцария шундай йўллар билан ўғирланган активларни Қозоғистонда ҳам гуманитар лойиҳалар бўйича топширганди, аммо бу лойиҳалар Қозоғистон раҳбарининг қизи Дариға Назарбоева томонидан тузилган ҳукуматга қарашли ташкилот назорати остига тушди.  Шунга ўхшаш ҳол Ўзбекистонда ҳам юз бермайдими?

Мактубдан Гулнора Каримованинг ўз қилмишини англагани ва пушаймон экани эмас, балки фақат ўз озодлигини савдолашишга уринаётгани кўриниб турибди”, дея ёзди Илҳомов «Элтуз» учун берган изоҳида.

Эслатиб ўтамиз, Каримова уй қамоғидан аёллар колониясига ўтган йилнинг мартида қайтарилган эди.  Бош прокуратура баëнотида таъкидланишича, Жиноят ишлари бўйича Тошкент вилояти судининг 2017 йил 18 декабрдаги ҳукми билан 1972 йилда туғилган Каримова Гулнора Исломовнага 10 йил озодликдан маҳрум қилиш жазоси тайинланган эди.

Ўтган йил давомида юз берган воқеалар Гулнора Каримова иши одил судловнинг амалга оширилиши эмас, балки ҳукумат ва умидсизликка тушган Каримова ўртасида савдо бўлаётгани англатмоқда. 

Шундай қилиб, 2019 йилнинг мартида Каримова ҳибсга олинганидан сўнг қуйидаги ҳолатлар юз берди:

1. Каримованинг Швейцариядаги адвокати вазифасидан четлатилиши ва Швейцария суди қарори билан қайта тикланиши Каримова активларини мусодара қилиш ва Ўзбекистонга  қайтариш жараёнига халақит берди. Бу нарса Ўзбекистон ҳукуматини ғазаблантирмаслиги мумкин эмас эди.

2. Яқинда Каримовага қарши икки цемент заводи билан боғлиқ иш қўзғатилди. Унга энди янги жазо муддати таҳдид солмоқда

3. Собиқ бош прокурор Отабек Муродов ҳамда ДХХ собиқ раиси Ихтиёр Абдуллаевга нисбатан ҳукм ўқилди.  Каримова ўз мактубида ҳақли равишда таъкидлагандек, агар собиқ бош прокурор ва ДХХнинг собиқ раиси қонунни бузганликда айбланаётган бўлса, унда нега унга нисбатан терговларда адолат қоидалари бузилгани тан олинмаяпти?

Eltuz.com

Тағин ўқинг
14 сентябр 2018
«Ўзбекистон 24» каналининг кийиниш маданияти «танқид қилинган» 12 сентябр кунги «Халқаро Пресс клуб» кўрсатувида ТВ журналистларининг ўзлари этика қоидаларини ...
1 феврал 2023
Ўзбекистон нефт ва газ соҳасидаги вазиятни ичдан билувчи икки манбанинг Элтузга берган маълумотдан англашилишича, “Ўзбекнефтгаз” АЖ ва унга қарашли ...
15 апрел 2016
Тадбирда терроризм, экстремизм билан боғлиқ жиноятларга қарши курашишда ўзаро ҳамкорликни янада ривожлантириш, хавфсизлик ва барқарорликни мустаҳкамлаш масалалари юзасидан фикр ...
24 сентябр 2020
Ўзбекистон, Сирдарё вилояти. Баъзи тўғонлар минг йиллаб хизмат қилади. Аммо Сардоба қурилганидан сўнг атиги уч йил ўтиб, 1 май ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...