Солижон Абдураҳмонов – уқубатли саккиз йил

Бу йил маҳкум дўстимиз Солижон Абдураҳмонов 65 ёшда. 10 октябр куни эса унинг турмага ташланганига саккиз йил бўлди. 2008 йили уни журналистик фаолияти сабаб ўзбек режими туҳмат билан қамоққа олган эди.

Ўтган давр бу режимнинг эркин овозларни бўғишдан бошқа нарсага ярамаслигини намойиш қилди.
2014 йилнинг 30 ноябри куни эса Йоханн-Филипп Палма номидаги немис жамғармаси уни юксак халқаро мукофотга тақдим этди.
Бу тантанали маросимда на Солижоннинг ўзи, на да унинг қариндошлари иштирок эта олишмади.
Германиянинг Шорндорф шаҳрида ўтган 2014 йил учун Сўз ва матбуот эркинлиги мукофоти лауреати бўларкан мукофотни унинг ҳамкасби бўлароқ унга етказиш учун мен қабул қилиб олдим.
Бу мукофот мен учун ҳам, Солижоннинг бошқа сафдошлари учун ҳам шарафли эди.

Қудрат Бобожон
Eltuz.com