Асосий мавзулар
16 март 2017

Зиёлилар Каримовнинг улуғланишига қарши

Мирзиёевнинг Каримов хотирасини абадийлаштириш ҳақидаги қарорига бир нечта ўзбек зиёлиларнинг қарши чиқиши ортидан тармоқда уларни бадном қилишга уринишлар бошланди.

Қарши ва тарафдорлар ўртасида даҳанаки жанг давом этаркан 10 март куни президент Шавкат Мирзиёев Туркманистонда бўлиб, Каримов ҳайкалининг тантанали очилишида қатнашди.

Кўчалар, университету заводлар, санъат саройларидан ташқари, Халқаро Тошкент аэропортига Каримов номини беришни кўзлаган қарорга дастлаб шоир Жамол Камол, бастакор Зоҳид Ҳақназаров ва олим Баходир Мусаевлар танқидий қарашларини билдиришганди.

Жамиятшунос олим Баҳодир Мусаев, уларга ҳақорат ёғдираётганларни касал бир жамият дея атайди. Барча замонларда бўлгани каби, жамиятнинг энг яхши вакиллари бор ва уларга қараб халқ ҳақида хулоса қилиш лозим дейди у.

Ўзбекистонлик бошқа бир зиёли Анвар Хусаинов фикрича бу ҳуружлар каримовчилик даври иллатидир.

Канадада яшовчи андижонлик ёзувчи Ғафур Йўлдошев Халқаро аэропортга Каримов номининг берилишига аслида кўпчилик қарши эканини айтади.

Шу йилнинг 25 январида имзоланган қарор, профессор Ҳақназаровнинг фикрича Мирзиёевнинг Каримов хотирасига бўлган шахсий муносабатинигина англатади.

Аэропортни номлашда Элтуз сухбатдошлари Жамол Камол таклифини кўпроқ қўллашларини билдиришади.

Олий аҳлоқ ва инсоний принциплардан келиб чиқиб Каримов номи фақат ёмонлик хотираси сифатида эсланиши лозим, дейди Баҳодир Мусаев.

Каримов буйруғи билан руҳий даволанишга мажбурланган унинг жияни Жамшид Каримовнинг шифохонадан чиққанидан кейинги сувратига ишора қилиб, «менинг ҳар бир юртдошим, агар унинг виждони ўлмаган бўлса, унинг кўзларга боқиб, менинг фикримга қўшилиши керак» дейди у.

Видео: https://youtu.be/ltjpawqNGws

Eltuz.com

Тағин ўқинг
7 октябр 2019
Қамаши туманидаги 14 ва 16-болалар боғчаларига гўшт ўрнига Ўзбекистон президенти Шавкат Мирзиëевнинг портретлари берилган.  Бу маълумотни “Элтуз”га тақдим қилган ...
9 август 2023
Бир хил алкашлар ароққа тўйгач, ҳовлидаги сўри ёки айвонда келини, қизи кўзи ўнгида битта юпқа иштонча – трусида ухлайди, ...
14 май 2018
Ўзбекистонда «Мардикорлар касаба уюшмаси»ни тузгани учун 10 йилу 8 ойга озодликдан маҳрум этилган Фахриддин Тиллаев 12 май куни озод ...
13 феврал 2024
17 та фермер хўжаликлари бирлашиб ташкил этган “Eko Zamin Oltin Tolasi” ишлаб чиқариш кооперативи (ИЧК) иши.   Фермерлар 2023 ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...