Асосий мавзулар
5 феврал 2020

Тошкент коронавирус ўчоғидан келганларни кутиб олмоқда

Хитойнинг Ухань шаҳридан учган Uzbekistan Airways авиаширкати учоғида келган 84 нафар йўловчи 5 февраль куни Тошкент аэропортида ҳимоя воситалари билан қуролланган тиббиёт ходимлари томонидан кутиб олингани расмий матбуотда кенг ёритилди.

4 февраль куни Uzbekistan Airways учоғида Хитойдан Ўзбекистонга қайтган 250 нафар йўловчи 14 кунлик карантинга жойлаштирилгани ҳақида нашрларда хабарлар берилган эди.

Айни пайтда Хитой аэропортлари ўзбеклар билан тўлиб кетгани, уларни қайтариш учун учоқлар етишмаётгани ҳақида «Элтуз»га хабарлар келмоқда.

“Элтуз” мухбири билан мессенжер орқали боғланган Пекин аэропортидаги йўловчининг айтишича, 5 февраль куни соат тунги 24.00 да Тошкентга 250 йўловчи билан яна бир рейс учиши кутилмоқда, аэропортда эса Хитойнинг турли шаҳарларидан келган 500 нафар атрофида ўзбекистонлик қолмоқда.

Бундан аввал, 1 февраль куни Youtube тармоғида Тошкент аэропортида Хитойдан келаётган йўловчилар текшируви юзаки, яъни тепловизор ускуналари орқали амалга оширилаётгани, дорихоналарда эса юзга тақиладиган оддий ниқоблар йўқлигидан шикоятлар ортгани ҳақида видео тарқалган эди.

Кейинчалик, 4 февралга келиб, Хитойдан қайтган йўловчиларнинг махсус ҳимоя кийимлари кийган тиббиёт ходимлари томонидан қарши олингани, йўловчилар махсус пуркагич (пульверизатор) ускунаси орқали ўтказилгани республика телевидениеси орқали намойиш этилди.

5 феврал куни эрталаб олинган сўнгги маълумотларга кўра, 2019-nCov (коронавируснинг қайд қилинган расмий номи) юқтирилиши билан боғлиқ 24363 ҳолат қайд этилган, 490 нафар одам ўлган, тағин 23260 нафар шахс вирус юқтиргани шубҳаси остида қолмоқда.

30 январь куни Жаҳон соғлиқни сақлаш ташкилоти пневманиянинг тарқалишини халқаро миқёсдаги фавқулодда ҳолат сифатида тан олган эди.

Eltuz.com

Тағин ўқинг
6 июн 2022
Бош прокуратура томонидан тиббиёт ходимлари фаолиятига тўсқинлик қилиш ва уларга нисбатан зўравонлик ҳолатларининг олдини олиш мақсадида қонун лойиҳаси ишлаб ...
13 декабр 2023
Ўзбекистонда жиноят доираларида танилган тадбиркор Ғафур Раҳимовга нисбатан жиноят иш очилган эмас. Бу ҳақда Тошкент шаҳар ички ишлар бош ...
23 ноябр 2016
Ҳуқуқ ҳимоячиси Елена Урлаеванинг аризасига Чиноз Туман прокурори Д. Маҳмудов томонидан берилган жавобда таълим ва тиббиёт ходимлари пахта даласига ...
13 декабр 2015
2015 йилнинг 13 декабрида, Жаслиқ турмаси маҳкуми, ҳуқуқ ҳимоячиси Аъзам Фармонов 37 ёшга тўлади. 2006 йилнинг апрелида уни ҳибсга ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...