Асосий мавзулар
31 август 2020

Собиқ ҳоким: Деҳқоннинг маҳсулотига ҳокимлар хўжайинлик қилмасин!

Республиканинг бугунги раҳбарлари қонунни, деҳқонларнинг ҳуқуқини умуман менсимаяпти, 50 фоиз фермерларнинг ерлари тортиб олиб қўйилаяпти, дейди Навоий вилоятининг Конимех тумани собиқ ҳокими, қишлоқ хўжалиги мутахассиси Исмоил Оспанов.

“Олдинги гапларимга қўйилган постларда ҳатто Каримов даврида ерга муносабат яхши эди, деб ёзишяпти, балки нотўғридир, лекин мен қўшиламан. Бугунги аҳвол жуда ночор. Бир қисм ер қишлоқда яшайдиганларга текин берилсин. Текин!” дейди қишлоқ хўжалигида кўп йиллар меҳнат қилган Исмоил Оспанов ўзининг навбатдаги видеосида.

Оспанов Ўзбекистонда ерга эгалик масаласида нотўғри сиёсат юритилаётгани, президент умуман ислоҳотлар ўтказмаётгани ҳақида фикр билдиради.

“Ернинг катта амалдорлар ихтиёрига берилиб хусусийлаштирилиши – бу катта жиноят. Ҳокимлар қарор чиқариши мумкин, лекин уларнинг (Фермерлар уюшмаси. таҳр) кенгаш вакили бўлиши нотўғри. Чунки бу ҳолатда фермерлар босим остида қолади. Бу ҳолатда фермерни ҳимоялаш ҳақида гап бўлиши мумкин эмас.

Мана, яқинда Қашқадарё вилоятида қовун етиштирган экан бир деҳқон, ҳоким бозорга чиқартирмаяпти. Бу нима дегани, деҳқоннинг етиштирган маҳсулотига хўжайинми ҳоким?

Кейин кластерлар нега деҳқоннинг ишига аралашади? Бу уларнинг вазифаси эмас-ку. Улар янги бир маъмурий идора бўлиб қолди. Ҳолбуки, уларнинг мақсади битта. Катта-катта ерларни монополистларга бериб, хусусийлаштириш. Буни қатъиян тўхтатиш керак, жиноят бу!

Чидамнинг ҳам чегараси бор. Ҳозир мен деҳқонларга мурожаат қиламан, чидаб ўтирмаларинг! Қўрқиш ҳам керак эмас. Бизни ҳимоя қиладиган Конституциямиз бор. Қонунлар бор мулкчилик тўғрисида.

Вилоят депутатлари, Олий мажлис депутатлари қани? Вазир қани? Қишлоқ хўжалигидан нон еб юрган уюшмалар қани? Фермерлар ҳақидаги қонун ёмон қонун эмас, лекин бу ишламаяпти. Қонунга қўшимча киритиш керак. Ер кадастри ҳақидаги қонунга ўзгартириш киритиш керак. Мана шу масалаларни ечмаса, ер ислоҳоти бўлмайди”, дейди Исмоил Оспанов.

Eltuz.com

Тағин ўқинг
31 июл 2018
Ўзбекистондаги «Тоштурма», Украинадаги «Оболон» турмасидан ҳар бир камерада «лохмач»лари ва «козёллари» борлиги билан фарқ қилади, дея эслайди Муҳаммад Бекжон ...
9 октябр 2019
Жамоат арбоби ва консалтинг ширкати директори Азиза Умарова Ўзбекистоннинг Евроосиё иқтисодий иттифоқи (ЕОИИ)га қўшилиш эҳтимолини қаттиқ танқид остига олди. ...
3 октябр 2018
Ўзбекистон президенти маъмурияти раҳбари ўринбосари, президентнинг матбуот котиби Комил Алламжонов эгаллаб турган лавозимидан озод қилинди. Бу ҳақда “Элтуз” билан ...
28 феврал 2018
Ўзбекистон Миллий хавфсизлик хизмати раисининг собиқ ўринбосари Шуҳрат Ғуломов буйруғига кўра, қамоқхоналарда сақланган баъзи сиёсий ва диний маҳкумларни “ликвидация ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...